MedCastle » Freshly Graduated http://www.medcastle.com Castle of Medicine Thu, 29 Mar 2012 22:03:55 +0000 en hourly 1 الجزء السابع من سلسلة مستقبـــــــل الطبيب وهو الإداريــــــــــات http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b3%d8%a7%d8%a8%d8%b9-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b3%d8%a7%d8%a8%d8%b9-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html#comments Fri, 30 Oct 2009 21:12:55 +0000 Mostafa Elbehery http://www.medcastle.com/?p=6833 Warning: mt_rand() expects parameter 1 to be long, string given in /home/medcastl/public_html/wp-content/plugins/linkfoo/linkfoo.filter.class.php on line 32
Steilacoom concrete work, Fireplace repair Sammamish, Auburn masonry bit, retaining wall blocks Mountlake Terrace الإداريــــــــــات هانتكلم هنا عن الإداريات وهايكون بالأخص ادارايات الوحدة الصحية لأنها بداية الشغل الإداري للطبيب وهي نموذج مصغر لإدارة أي منصب إداري ممكن تمسكه بعد كده هانفترض انك استلمت تكليفك كطبيب أول يعني مدير وحدة صحية شوف يا سعادة المدير هانتكلم [...]]]> الإداريــــــــــات

هانتكلم هنا عن الإداريات وهايكون بالأخص ادارايات الوحدة الصحية لأنها بداية الشغل الإداري للطبيب وهي نموذج مصغر لإدارة أي منصب إداري ممكن تمسكه بعد كده
هانفترض انك استلمت تكليفك كطبيب أول يعني مدير وحدة صحية
شوف يا سعادة المدير
هانتكلم في الآتي

أولا : الحضور والانصراف

1- مواعيد العمل الرسمية تبدأ من الساعة الثامنة صباحا حتي الساعة الثانية ظهرا لكل الموظفين في الوحدة بلا استثناء
2- وحدات كتير الموظفين بيجوا الساعة 8 ونص وبيمشوا الساعة واحدة ونص وكله حسب اتفاقك مع الموظفين بس الأفضل انك تجيبهم في ميعادهم وتمشيهم في ميعادهم الرسمي لأنك مش ضامن ممكن يجيلك تفتيش الساعة 8 بالظبط أو الساعة 2 ظهرا ومحدش هايحميك وانت أول واحد هاتتجازي
3- دفتر الحضور والانصراف يكون مسئول عنه موظف من موظفين الوحدة وممكن انت تكون مسئول عن الدفتر بس الأفضل انه يكون مسئول عنه موظف و يفضل انه يكون الموظف المسئول عن الدفتر هو نفس الموظف المسئول عن الأجازات وخطوط السير في الوحدة

4- أول حاجة لما تيجي الصبح للوحدة الصبح تتأكد من وجود كل الموظفين عن طريق انك تسأل المسئول عن الدفتر وكل فترة كده اطلب من المسئول عن الدفتر انه يجيب الدفتر وتخلي الموظفين يمضوا عندك حضور وتتأكد من وجود كل الموظفين خصوصا لو حبيت تشد عليهم أو لما تحس انه فيه هرج وعدم التزام في الوحدة
ولو حد فيهم كان لسه ما جاش يبقي قدامك أكتر من حل
إما تاخدله إجازة عارضة أو تشطب عليه وتكتب فيه مذكرة وترفعها لمدير الإدارة بوضع علامة اكس في خانة الحضور والانصراف
أو تستني لحد ما يجي وتخليه يمضي حضور وتنبه عليه بعدم التأخير مرة أخري
لو كان موظف كويس معاك وشايف شغله صح يبقي ما تشطبش عليه استناه ولو تكرر الحكاية دي معاه نبه عليه مرة واتنين ولو تكرر التأخير منه خدله عارضة
لو موظف مش كويس معاك ومش شايف شغله كويس نبه عليه مرة واتنين وبعدها إما تاخدله عارضة في كل مرة تأخير لحد ما تخلص العوارض بتاعته أو تشطب عليه وتكتب فيه مذكرة وترفعها للإدارة
وسؤاء كان كويس أو مش كويس اسأل الأول زمايله فلان ما جاش ليه لحد دلوقتي لأنه ممكن يكون معاه ظروف قهرية زي حالة وفاة معاه مثلا وقتها خدله عارضة رأفة به لظروفه القهرية
واوعي تمضي لموظف مش موجود عندك في الوحدة لأنه ممكن يكون عامل جريمة بره أو عمل حادثة مثلا وانت مخلي حد من زمايله ماضيله حضور وانصراف طب ازاي ووقتها هاتتحاسب
وبرده في الانصراف ممكن تطلب من المسئول عن الدفتر انه يجيبه وتخلي الموظفين تمضي انصراف قدامك
وممكن تطلبه في أي وقت لأي غرض لأنه ممكن موظف يزوغ من الوحدة من غير اذنك ساعتها تشطب عليه في خانة الانصراف وتكتب فيه مذكرة لمدير الإدارة اسمها مذكرة ترك عمل
5- نبه علي الموظف المسئول والانصراف انه ما يديش الدفتر لأي تفتيش غير بعد ما يجيلك ويستأذن منك ما عدا طبعا لو كان وكيل وزارة أو رتبة كبيرة لكن بتوع التفتيش المالي والإداري بتوع الإدارة أو بتوع مجلس المدينة أو المجلس القروي ما تخليهمشي يمسكوا الدفتر غير بعد ما يستأذنوا منك لأنه ده حقك القانوني انت كبير المكان


وما تخليش التفتيش ده يجيب الموظفين قدامك علشان يتأكد من وجودهم
لو عاوز يتأكد يبقي يتفضل في أي غرفة في الوحدة ومعه الموظف المسئول عن الحضور والانصراف
أو القانوني انه يلف علي الموظفين في الوحدة ويشوفهم موجودين ولا لأ
6-ما تخليش حد من الموظفين يمضي لحد خلي كل واحد يمضي بنفسه لأنه ممكن تحصل مشكلة ووقتها يقؤل الشخص انه ده مش توقيعه .
7- لو فيه موظف استأذن منك شفويا وجالك تفتيش وسأل عليه يبقي وقتها لازم تحمي الموظف بتاعك لأنه استأذن منك احميه بأي طريقة لو علاقتك حلوة بالتفتيش قؤله انه مستأذن منك وما تخليهوش يشطب عليه لو مفيش علاقة أو علاقتك بيه مش حلوة خلي الموظف المسئول عن الدفتر يعمله خط سير أو يعمله إذن من غير ما التفتيش يلاحظ انك قؤلتله كده وامضيه بعيد عن التفتيش
والأفضل انه لو أي موظف حب يستأذن منك يبقي رسمي يعني بخط سير أو إذن رسمي علشان تكون في أمان
8- دفتر الحضور والانصراف مسئولية كبيرة وأول حاجة بيسأل عليه أي تفتيش والمفروض ما يكونشي فيه كشط أو تعديل في الإمضاء وأي تفتيش يجي خليه يمضي علي صفحة اليوم اللي جاه فيه
9- رتب أسماء الموظفين الأطباء طبعا في الأول ثم باقي الموظفين بالترتيب وكل سنة ميلادية جديدة بيتغير الدفتر وبيتعمل دفتر جديد .
10- لو عندك كاتب أو عامل موسمي يعني بالعقد دول ما يتحطش اسمهم في دفتر الحضور والانصراف الرسمي يتعملهم كراسة أو دفتر صغير يمضوا فيه ولو العامل مش بيعرف يمضي يبقي إما تخليه يبصم أو يحط الختم بتاعه في الحضور والانصراف
11- بالنسبة للنبتشيات فيه نوعين نبتشية من الساعة 2 الضهر لحد الساعة 8 بالليل ونبتشية سهر من الساعة 8 بالليل لحد الساعة 8 الصبح
وبيكون موجود في النبتشية دي دكتور وممرض أو ممرضة وعامل أو عاملة والبنتشيات بتكون بالتبادل ولازم تعمل جدول للنبتشيات خاص بالأطباء وواحد تاني خاص بالتمريض والعمال وتعلقه في الوحدة وتبعته كل شهر للإدارة بعد ما تمضي عليه الدكاترة اللي معاك والتمريض والعمال
ولازم تعمل دفتر صغير أو كراسة حضور وانصراف للنبتشيات واحد للأطباء وواحد للتمريض والعمال أو ممكن التلاتة مع بعض
والطبيب النبتشي هو اللي بيمضي التمريض والعمال ويمضي هو بنفسه والدفتر ده يكون مسئول عنه رئيسة التمريض
ولو حبيت تبدل نبتشية مع دكتور زميلك يبقي تمضي في الدفتر باسمك وتكتب بدلا من فلان


12- قانونيا شغلك في الوحدة 24 ساعة ولازم الوحدة تكون مفتوحة 24 ساعة أو علي الأقل تخلي العامل فاتح الوحدة لحد الساعة 12 بالليل لأنه لو جاه أي تفتيش ولقي الوحدة مغلقة بيكون فيه جزاء مش حلو وممكن كمان نقل لو كان وكيل وزارة أو رتبة كبيرة شويه وممكن تنبه علي العامل النبتشي انه لو جاه أي تفتيش يتصل بيك وتخليه يقؤل للتفتيش انك في حالة ولادة بره وتكون سايب أبل ما تمشي من الوحدة خط سير مكتوب فيه حالة ولادة أو كشف خارجي علشان لو اتغيبت تقدر تجيب صورة شهادة الميلاد بتاعة أي طفل اتولد في اليوم ده أو اتكتبت شهادة ميلاده في اليوم ده وتروح بيها الشئون القانونية وتخلع منها بس طبعا ده مش حلال لأنه كذب ولأنه المفروض شغلك يكون 24 ساعة في الوحدة والمفروض مفيش تزويغ .


ثانيا : الأجازات

يوجد أكثر من نوع من الأجازات نذكر منها الاتي :
1- الإجازة العارضة : ودي بتكون 7 أيام في السنة لأي موظف وانت في أول ست شهور ليك من استلامك للتكليف مالكشي غير 3 أيام عارصة بس والاربعة الباقيين بعد الست الشهور الأولي .

2- الاجازة الاعتيادي : وتكون بتختلف عددها من موظف للتاني حسب عدد سنوات شغله وتقدم الاجازة الاعتيادي ليك أبلها بيوم وأبل ما تمضي عليها وتعتمدها لازم الموظف بتاع الاجازة يكون ماضي ويكون فيه موظف تاني يغطي العمل مكانه يعني لازم يكون فهي بديل عنه ولازم الكاتب بتاع الاجازات يكون كاتب انه الرصيد يسمح والاجازة تتقدم ليك وبعد كده ترفعها للادارة
أما بالنسبة ليك كطبيب جديد في اول تكليفك مالكشي اجازات اعتيادي في أول ست شهور وغالبا بعد كده تقدر تاخدهم هما عبارة عن 25 يوم في الغالب ممكن تاخدهم علي بعض أو تاخد منهم أيام وتقدم الاجازة دي لمدير الادارة بتاعك ولو عدت عليك سنة وما خلصتش الاجازة الاعتيادي بتاعتك يبقي هاتروح عليك ومش هاتتنقل للسنة الجديدة كذلك باقي الموظفين
3- الاجازة المرضي : ودي مالهاش فترة معينة يعني مفتوحة وبتكون من خلال انك تغيب من الشغل وتبعت فاكس للوحدة أو الادارة بانك مريض وملازم الفراش ولما ترجع الشغل بيتحدد ليك ميعاد للكشف الطبي في اللجنة الطبية التابعة للادارة واما يحسبهولك مرضي أو ما يحسبهوش مرضي وتتخصم من الاعتيادي وممكن تاخد جزا معاها أو تخصم فترة الاجازة من مرتبك ونفس الحكاية برده مع أي موظف .
4- اجازة بدل راحة : أي يوم جمعة بتشتغله وبتقعد فيه فيث الوحدة المفروض تاخد مكانه يوم اسمه بدل راحة تقدمه لمدير الادارة بتاعك والنقطة دي ما يعرفهاش دكاترة كتير بس هيا قانونية ميه ف يالميه .
5- الاجازة بدون مرتب : ودي بتكون بعد ست شهور من استلامك
التكليف الا اذا كانت دكتورة فيمال ومرافقة لزوجها في السفر ساعتها تقدر تاخد اجازة بدون مرتب من أول يوم من تكليفها .
6- اجازة وضع : للدكاترة الفيمال أو أي موظفة


ثالثا : الصيدلية

1- لو مفيش غيرك طبيب في الوحدة يبقي الصيدلية هاتكون في عهدتك وتقعد فيها مساعد صيدلي أو ممرضة أو شخص له خبرة في الصيدلية بس الموظف ده مش عليه أي مسئولية المسئولية كلها عليك .

2- دفاتر الصيدلية : دفتر 112 ودفتر 118 ولازم آخر الشهر تظبت الدفاتر دي لأنه الدفاتر دي مصيبة في حد ذاتها لأنه الجهاز المركزي للمحاسبات أو التفتيش المالي بتاع الإدارة بيمسك الدفاتر دي وبيطلع فيها غلط كتير وساعتها ممكن تدفع فلوس كتير من جيبك وتاخد جزا كمان لازم تظبت الدفاتر دي كويس أوي ولازم تعمل المنصرف الشهري وتبعته الإدارة كل شهر ويا ريت تحتفظ بنسخة منه وتشيله معاك حتي بعد ما تمشي من الوحدة لأنه الجهاز المركزي للمحاسبات ممكن يجي بعد سنين ويطلع الدفاتر ويلاقي فيها غلط ووقتها هاتتحاسب . فيه حاجة اسمها دفتر 111 وده النموذج اللي بتطلب فيه طلبية الدواء .

3- أما بئه لو معاك طبيب تاني يبقي هو مسئول عن الصيدلية وتكون في عهدته ولو رفض انه يستلمها منك فهمه بالراحة ولو رفض رفض تام اكتب فيه مذكرة لمدير الإدارة وهايحققوا معاه وممكن ياخد جزاء وفي الآخر برده هايبقي مسئول عنها غصب عنه . أما بئه لو عندك صيدلي يبقي انت ارتحت من دا كله .

4- لازم تخلي بالك كويس أوي من تلاجة التطعيمات اللي في الصيدلية من حيث نضافتها وما تحطش فيها أي حاجة خاصة بيك أو بأي موظف حتي الميه وخلي بالك من ترتيب الطعوم فيها وأهم حاجة درجة حرارة التلاجة ولو الكهربا فصلت لأي سبب يبقي تاخد الطعوم وتوديها أقرب وحدة صحية ليك تشيلها هناك لحد ما الكهربا تيجي .

5- آخر كل شهر اعمل جرد للصيدلية وظبت المنصرف بتاعك بأي طريقة مثال انت مثلا طلبت من مخزن الدواء في الإدارة عدد 500 قرص باراسيتامول استعملت منهم 300 قرص يبقي المفروض الباقي عندك 200 لو عملت جرد ولقيت الباقي منهم 150 يبقي حاول تغطي العجز ده علي التذاكر بحيث يتظبت الوارد مع المنصرف مع الباقي .

6- ما تخليش حد يدخل الصيدلية غيرك انت أو أي طبيب أو الموظف المسئول عن الصيدلية .

7- شيك علي الصيدلية وخلي بالك من الأدوية اللي صلاحيتها قربت تنتهي ولو لقيت دواء معين صلاحيته انتهت يبقي ممكن تاخده من زميل ليك في وحدة صحية تانية وتصرفه عندك علي التذاكر في الوحدة وتخلص منه .

رابعا : التطعيمات ومراقبة الأغذية

1- يكون مسئول عنها المراقب الصحي بالوحدة بالاشتراك مع كاتب المواليد والوفيات بصورة جزئية ولازم يكون المراقب الصحي علي قدر من المسئولية لأنه دي من الحجات المهمة في الوحدة واللي التفتيش بيجي عليها دايما

2- حدد يوم أو يومين في الاسبوع لجلسات التطعيم ولازم تعرف المستهدف بتاعك ولازم بأي طريقة تحقق المستهدف ده وتتأكد انه المراقب الصحي بيعمل جوابات استدعاء لكل الاطفال الواجب تطعيمهم ولازم تعرف المتخلفين عن التطعيم وايه سبب التخلف وتبعت للادارة أسماء المتخلفين وتبعت كل كشوف التطيعم الخاصة بالمراقب الصحي .
3- لازم يكون فيه محاضر اعدام لبعض الطعوم الزائدة بعد ما جلسة التطعيم تخلص .
4- لازم تتعلم كل شغل التطعيمات وتعرف محتوي كل دفاتر التطعيمات وتعرف جدول التطعيم المصري الرسمي للطفل .
5- لازم تتأكد من الوارد والمنصرف والباقي من الطعوم .
6- لو كان فيه حملة شلل الاطفال لازم تتابع الشغل فيها كويس وتطلع تفتش علي فرق التطعيم وتتأكد من وجودهم في الاماكن المحددة لهم لانه دي مسئولية قدام ربنا ولو ظهرت أي حالة شلل في منطقة خدماتك محدش هايرحمك ابتداءا من الوزير حتي مدير الادارة لانه الدنيا بتتقلب وقتها .
7- لازم تاخد بالك من الشهادات الصحية بتاعة أهالي القرية وتخلي المراقب الصحي يطلع كل شويه يعمل تفتيش في القرية علي الاغذية وعلي الشهادات الصحية .
8- لازم تتأكد من أخذ عينات الاغذية وعينات الميه بصورة دورية عن طريق المراقب الصحي وتتأكد من محاضر غسيل صهاريج المياه بالقرية ومحاضر مخالفات اكوام الزبالة والروث الحيواني والمجاري بالقرية .
9- لازم تتأكد من البلاغات الاسبوعية والشهرية اللي بيقوم بيها المراقب الصحي وتعرفها كويس .


خامسا : المواليد والوفيات

1- لازم يكون مسئول عنه موظف أمين لانه موضوع المواليد والوفيات ده ممكن يحبسك .
2- أي حالة وفاة لازم تروح تشوفها بنفسك وأبل ما تروح اسال أي حد تعرفه من القرية يكون أمين عن سبب الوفاة وهل كان المتوفي مريض أم لا اسال محدش عارف خصوصا لو كان صغير في السن أو فيه عدواة بينه وبين حد تاني .
3- أبل ما تمضي علي شهادة الوفاة تأكد من بيانات المتوفي خصوصا تاريخ الوفاة وبيانات المبلغ بالوفاة وتأكد انه الكاتب بتاع المواليد والوفيات ماضي أبلك
4- خلي بالك وانت بتكتب سبب الوفاة ولو قدرت تدعم الشهادة بروشتة أو اتنين للمتوفي يبقي كويس .
5- أي حالة وفاة فيها شبهة جنائية بلغ بيها مدير مكتب الصحة بالادارة فورا لانه هو اللي هايطلعلها الشهادة مش انت
6- لو كان سبب الوفاة حادثة أو ماس كهربائي أو حريق أي حاجة جنائية يبقي ما طلعشي انت شهادة الوفاة دي يطلعها مدير مكتب الصحة بالادارة انت ممكن تبلغ بيها بس .
7- لازم تاخد بالك وانت بتكتب تصريح الدفن اسم المتوفي من واقع بطاقته وتاريخ الوفاة ومكان دفن المتوفي وتوقيعك والمفروض مفيش أي متوفي يدفن من غير التصريح ده .
8- تاخد بالك من شهادات الميلاد وتاخد بالك أكتر من الاطفال ال ساقطين قيد اللي هما اتولدوا وما اتعملشي ليهم شهادة ميلاد لانه المفروض المدة القانونية لاصدار شهادة الميلاد هيا 15 يوم من تاريخ الولادة وممكن تتأكد من تاريخ الولادة عن طريق دفتر الحوامل اللي موجود مع ممرضة الحوامل لانه بتكون كاتبة فيه اسم الست وميعاد ولادتها المتوقع ولو الست مش موجود اسمها في الدفتر ده يبقي تخلي والد الطفل يجيب الطفل وتحدد انت عمره أد ايه تقريبا فوق ال 15 يوم ولا أكتر ولازم يكون مرفق مع الاوراق المطلوبة لاصدار شهادة الميلاد اخطار ولادة سؤاء من طبيب أو مستشفي أو ممرضة أو داية .
9- تاخد بالك من الرسوم اللي بياخدها كاتب المواليد لما بيجي يطلع شهادة الميلاد لانه اوقات بياخد فلوس زيادة من الناس .


سادسا : المخزن

1- - بيكون مسئول عنه أمين المخزن بالوحدة .
2- بيكون معاه دفتر 112 برده ودفتر 118 برده ودفتر عهد مستديمة وعهد مستهلكة .
3- كل سنة بيتعمل حاجة اسمها محضر جرد للعهدة الصح انك تعمله فعليا وواقعيا عن طريق تشكيل لجنة من الوحدة ترأسها انت وتراجع كل العهد اللي مع أمين المخازن لربما تكون حاجة مش موجودة أو حاجة بره الوحدة وبتحصل كتير . بس برده لو حبيت تزنق عليه أو لو اكتشتفت انه فيه عهدة مسروقة أو مش موجودة ممكن تعمله محضر جرد مفاجئ وممكن كمان تبعت للادارة علشان تبعتلك تفتيش مالي وإداري يساعدك .

سابعا : كاتب الماليات

1- بيكون مسئول عن إيداع فلوس التذاكر والدواء لرصيد الوحدة .
2- تحرير استمارات المرتب والحوافز والبدلات والنبتشيات وخطوط السير وأي استمارات مالية .
3- أوقات بيشتغل برده مندوب للصرف بحيث يقبض المرتبات للموظفين .
4- مسئول عن السلفة المستديمة ودي عبارة عن 100 جنيه تصرف من رصيد الوحدة لتحسين الخدمة بالوحدة من طباعة دفاتر وغيرها ويتم تسويتها ماليا .
5- خد بالك أوي أبل ما تمضي علي أي حاجة مالية واسأل عليها كويس .


ثامنا : التأمين الصحي

1- دي المصيبة الكبيرة في الوحدة وده بيكون في عهدتك وبتمضي عليه واي غلط فيه هاتتحاسب عليه ولازم كل بيانات الروشتة تكون مستوفاة الاسم والتاريخ والتشخيص وغيره وغيره لانه التأمين مش هايسيبك في حالك وبيراجع من وراك كل كلمة واي غلطة بيخصم منك فلوس ولازم تخلي بالك من الدفاتر دي وتشيلها في مكان أمان .
2- لازم تعرف ايه الادوية اللي تتكتب في روشتة التأمين وايه اللي مش هايتكتب
3- أقصي حد للادوية تقدر تكتبه هو تلات اصناف فقط .
4- لازم يكون عندك اكلاشية تختم بيه الروشتات ولو ما ختمتش روشتات التأمين بالكلاشيه التأمين هايخصم منك فلوس .
5- بعد ما بيخلص الدفتر بتسلمه وتجيب غيره وهكذا .
6- الدفاتر اللي هاتشتغل فيها هيا دفتر 380 للاطفال الرضع وتمنها نص جنيه . وفيه دفتر قانون 99 لطلاب المدارس بحيث يجي الطالب بتحويل من المدرسة وتكشف عليه مجانا وتكتبله العلاج . وفيه وحدات نادرة بتتشغل علي قانون 32 للموظفين وقانون 79 للمعاشات .
7- دفاتر التأمين لازم تكون مختومة بختم الشعار .
8- ممنوع الشطب أو كتابة أدوية خارج الأدوية المحددة في هذه الحالة سوف تعتبر التذكرة لاغية وهاتتحسب عليك .
9- تذكرة التأمين من أصل صورتين ولازم يكون الكربون طابع في خلف التذكرة .والتذكرة الأصلية دي بتروح الصيدلية أما النسختين الباقيتين للتذكرة بيفضلوا في الدفتر .
10- كل فترة 3 شهور الي ست شهور بتقبض فلوس التأمين الا اذا كنت وحدة طب اسرة فا هاتاخد فلوس التامين ضمن حافز الدعم الفني


تاسعا : تنظيم الأسرة

1- مسئول عنها ممرضة تنظيم الاسرة وانت أو أي طبيب اخر بالوحدة
2- لازم تتابع تحقيق المستهدف مع ممرضة تنظيم الاسرة شهريا .
3- لازم تاخد بالك من الفلوس الموردة من تمن وسائل تنظيم الاسرة .
4- لازم انت بنفسك اللي تركب اللولب وتعطي المشورة وما تسبشي الموضوع ده للمرضة .
5- كل شهر ولا شهرين راجع دفاتر تنظيم الاسرة مع الممرضة علشان تحس انه فيه حد بيراقب من وراها وعلشان لما يجي تفتيش يلاقي كل الدفاتر سليمة .
6- كل فترة بتجيلك فلوس انت والممرضة جزء من الفلوس اللي وردتها تمن الوسائل .
7- تأكد من التعقيم في شغل تنظيم الاسرة .


عاشرا : رعاية الحوامل

1- بتكون مسئولة عنها ممرضة الحوامل .
2- راجع الدفاتر معاها شهريا أو كل شهرين لو أمكن .
3- تأكد من خروجها من الوحدة لعمل الزيارات المنزلية للولادات وتأكد من إنهم بيروحوا فعلا للست الوالدة .
4- تأكد انه الممرضة دي بتروح تاخد عينة الغدة الدرقية لاي طفل بيتولد وتأكد انها مش بتاخد فلوس من الست الوالدة .

احدى عشر : المعمل

1- راجع الدفاتر معاه كل فترة .
2- تأكد من انه بيعمل التحاليل بدقة ومش بيفبركها .
3- تأكد من انه بيبعت البلاغات بتاعته اسبوعيا وشهريا .
4- تأكد انه مش بيعمل تحليل حمل للستات وبياخد منهم فلوس نظير كده لانه اوقات بيعملوا كده واوقات ممرضة تنظيم الاسرة او ممرضة الحوامل تعمل كده يعني من الاخر تشتغل برايفيت جوا الوحدة .
5- تأكد من نضافة المعمل .

اثنا عشر : الرائدات الريفيات

1- تأكد انها بتخرج فعلا تعمل زيارات منزلية للحوامل وايضا للستات علشان تنظيم الاسرة .
2- راجع معاهم الزيارات بتاعتهم وهل حققوا المستهدف بتاعهم ولا لأ
3- اوقات كتير الرائدة الريفية تاخد خط سير وتروح البيت تأكد من كده


ثلاثة عشر : رعاية الطفل

1- راجع الدفاتر كل فترة مع الممرضة المسئولة .
2- تأكد انها بتسجل نمو الطفل والتطعيمات بتاعته .

أربعة عشر : الطوارئ

1- تأكد من توافر كل تجهيزات الطوارئ الخاصة بالوحدة
2- خلي بالك من غرفة الطوارئ لانه القطن والشاش والحجات دي اوقات بتطلع بره الوحدة .
3- تأكد من وجود أمبولات الطوارئ في غرفة الطوارئ .
4- تأكد من وجود اسطوانة أكسجين مليانة عندك محدش ضامن الظروف .
5- راجع السجلات مع الممرضة المسئولة عن غرفة الطوارئ .

خمسة عشر : ختم الوحدة

ختم الوحدة سؤاء ختم شعار الجمهورية ولا الختم البيضاوي يبقي معاك انت وبس وما تسلموش لاي موظف اوي حد تاني ولو حصل انك روحت وحدة صحية ولقيته مع موظف استلمه منه

الاوراق التي تختم بختم شعار الجمهورية :

1- شهادة الميلاد والوفاة والاستمارات الخاصة بكلا منهما .
2- الشهادة الصحية للمولود لاول مرة أو بدل فاقد منها .
3- استمارات المرتبات والبدلات وغيرها من الاستمارات المالية .
4- تذاكر التأمين الصحي .
5- ورق التحويل الخاص بالتأمين الصحي
6- الورق الخاص بدفع رسوم التليفون وغيره .
7- اوراق وبيانات موجهة للادارة .
8- المذكرات المرفوعة لمدير الادارة .

الاوارق التي لا تختم بختم شعار الجمهورية ( النسر ) :

1- الشهادات الصحية للبائعين واصحاب المحلات دول يتختموا من الادارة الصحية .
2- الكفيل والضامن والسلفة .
3- استمارات تحديد نسبة العجز .
4- الاجازاات المرضية للطلاب اللي أكتر من يوم .
5- أي ورق شاكك فيه ولا مش عارف محتواه .
6- خطوط السير والاذونات تختم بالختم البيضاوي


بعض الأوراق الإدارية

خط السير
الاسم:-…………… ….. التاريخ :-…./…../….20
الوظيفة:-………………………… .. الساعة:-………
الغرض (المهمة المراد القيام بها:-………………………… ………………
………………………… ……………….. ………………………… ………..
………………………… ……………….. ………………………… ………..
يعتمد طبيب الوحدة

الإمضاء والختم البيضاوي

لابد من أن يكون اصل وصورة
الأصل مع صاحب خط السير (لكي يكتب عليه من الجهة التي ذهب إليها عبارة (حضر المذكور وتختم) وألا اعتبر خط السير وهمي.
والصورة تكون مع مسئول دفتر الحضور والانصراف(ويمضي صاحب خط السير حضور أما الانصراف يكتب خط سير لو كان لسه ما جاش .)

الإذن
السيد مديرالوحدة
برجاء من سيادتكم السماح لي بإذن ساعتين
من…… الساعة إلي……. الساعة
وذلك من اجل………………………….
مقدمه
………………………

يعتمد طبيب الوحدة
إمضاء فقط

أمر تكليف
يكلف السيد / ………… بأعمال ………………
وذلك ابتداءا من يوم …………….. الموافق …../…./ 20
وذلك لصالح العمل .
التوقيع بالعلم
……………………..
يعتمد طبيب الوحدة
الإمضاء والختم النسر
)يتعمل نسختين واحد يفضل معاك وواحد يفضل مع المسئول المالي والاداري بالوحدة أو كاتب الوحدة وتبعته مع كاتب الوحدة علشان تخليه يمضي ولو رفض الموظف ينفذ الامر المكلف به خلي كاتب الوحدة يكتب رفض المذكور تنفيذ أمر التكليف ساعتها ترفع مذكرة لمدير الادارة وترفق بيها أمر التكليف هايتحول الموظف شئون قانونية وياخد جزا وهاينفذ غصبن عنه )

مذكرة ( لو الموظف غاب عن العمل )
السيد الدكتور مدير الإدارة الصحية ………….
تحية طيبة وبعد ,,,,
نحيط سيادتكم علما بأن السيد / ………. قد تغيب عن العمل يوم ……….. الموافق …/…../…..200
نرجو من سيادتكم اتخاذ اللازم .
وتفضلوا بقبول وافر الاحترام

يعتمد طبيب الوحدة
الإمضاء والختم النسر

مذكرة عامة
السيد الدكتور / مدير الإدارة الصحية ب
تحية طيبة وبعد ,,,
نحيط سيادتكم علما بأنه ( نبذة مختصرة عن المشكلة ) بكلام واضح
ولهذا أرجو من سيادتكم اتخاذ اللازم
وتفضلوا بقبول وافر الاحترام
يعتمد مدير الوحدة
دكتور / ………
الإمضاء والختم

كيف تكون مديرا ناجحا ؟

في البداية أحب أقؤل انه الشغل في الوحدات الصحية وجع دماغ ومشاكله كتير وموظفين الوحدات الصحية عاوزين منك طريقة معينة في التعامل علشان كده لازم تتعلم ازاي تبقي مدير ناجح عن طريق :

أولا : اعرف
اعرف اللي ليك واللي عليك يعني أبل ما تستلم الشغل في الوحدة لازم تكون ملم ب 95 % من شغل الاداريات بالوحدة علشان الموظفين ما يضحكوش عليك في حاجة وعلشان ما تقعشي في أي خطأ
ولما تروح وانت فاهم الشغل بتاع الادارايات كويس الموظفين هايعملوا حسابك في كل كبيرة وصغيرة ومش هايتجرؤا يعملوا أي حاجة معاك لانهم عارفين انك ممكن تكشفهم ويا ريت في بداية استلامك الشغل تسأل علي حجات ادارية كده في كل قسم علشان تبينلهم انك فاهم الليلة كلها

ثانيا : لا تكن صلبا فتكسر ولا لينا فتعصي
خلي المبدأ بتاعتك مع الموظفين انك تشد وترخي يعني مش هاينفع تشد علي طول لانهم ممكن يفتعلوا ليك أي مشاكل توجع دماغك وفي نفس الوقت ما تسبشي الحبل علي الغارب ولما تلاقي انه الوحدة بقي فيه تسيب وعدم التزام شد عليهم اطلب دفتر الحضور والانصراف تعالي بدري وشطب عليهم أو خدلهم عوارض أو فتش علي شغل اي واحد منهم وأكيد هاتلاقي فيه حاجة غلط في شغله وأوقات تحتاج انه صوتك يعلي شويه

ثالثا : المساواة في الظلم عدالة
مش هاينفع تشطب علي واحد أو تاخد عارضة لموظف وفي نفس الوقت تتغاضي عن زميل له كده انت بتتعامل بمعيارين
لازم يكون تعاملك بمعيار واحد الا اذا كان فيه موظف كويس والتاني وحش خد للاول عارضة والتاني شطب عليه لكن ما تشطبشي علي التاني وتمضي للاول
ولما تكون عاوز حاجة تتعمل في الشغل يبقي خليها بالعدل وبالمساواة

رابعا : فرق تسد
لو لقيت اتنين موظفين من النوع اللي مش كويس مع بعضهم وعاملين حزب حاول تفرق بينهم بس بما يرضي الله مش بالغيبة ولا التوقيع بينهم
مثلا لو كانوا في مكتب واحد ابعدهم عن بعض ده هايقلل المشاكل شويه أو أي حاجة انت شايفاه هاتنفع

خامسا : وزع المهام
المدير الذكي هو اللي يوزع مهام الشغل علي الاخرين لانه مش هايقدر ياخد باله من كل حاجة لازم يكون ليك مندوب عن كل فئة وهو اللي تجيبه وتسأله ويكون مسئول قدامك علي الشغل في الحتة الفلانية

سادسا : تعرف علي مراكز القوى
حاول تشوف مين أكتر شخصية مؤثرة بين كل الموظفين واعرف سكته لو هو كويس يبقي مفيش مانع انك تديله بعض الامتيازات لانه ده هايقوي مركزك مع الموظفين لو هو وحش يبقي اتصيدلي وجمعله الغلط لحد ما تاخد معاه موقف قوي وتكسره قدام الموظفين وبكده الكل يتلم
واوعي تقوي وتقرب موظف بيكرهوه الموظفين منك لانه ده هايولد عندهم الغيرة والحقد وهايعمل مشاكل كبيرة

سابعا : المتابعة
حاول دايما تتابع كل أنشطة الوحدة بتاعتك وتكون واخد بالك من كل شئ بيحصل حواليك ويا سلام لو فيه موظف حلو يقؤلك كل اخبار الوحدة السرية ما خفي منها وما بطن بطريقة مباشرة أو بطريقة غير مباشرة

ثامنا : احرص
خليك حريص دايما انك ما تغلطشي في أي حاجة علشان محدش يمسك عليك أي غلطة وخلي اعصابك هادية خصوصا في المواقف الكبيرة علشان تعرف تاخد حقك بعدين لانك لو ثورت يبقي ضيعت حقك لانك في الاول وفي الاخر موظف زي أي موظف في نظر القانون وفي نظر الشئون القانونية أو النيابة الادارية

تاسعا : اياك
اياك تمضي علي ورقة من غير ما تقراها وتعرف ايه اللي فيها ولا تحط الختم بتاعك علي ورقة انت مش عارف ايه هيا اسال أي حد من زمايلك أبل أي حاجة اذكر انه في مرة موظف مضي دكتور علي استقالته وسط ورق التطعيمات من غير ما الدكتور ياخد باله

عاشرا شارك
حاول تشارك الموظفين في افراحهم واحزانهم مفيش مانع تروح فرح حد فيهم أو تروح جنازة لحد منهم وخلي العلاقة نظام وقت الجد جد ووقت الهزار هزار كل حاجة بوقتها بس خلي الغالب عليك الجد

احدي عشر : شويه اعتزاز
لازم يكون عندك شويه اعتزاز بالنفس قدام نفسك أب لما يكون قدام الموظفين مش عاوز أقؤل تناكة بس لازم تعمل لنفسك برستيج
بحيث ما يبنشي انه غرور ولا يبان انك متهاون ومنكسر
واوعي تقؤل المشاكل الشخصية أو مشاكل حياتك كطبيب قدام أي من موظفين الوحدة هاتلاقي تاني يوم الوحدة كلها عرفت
اثنا عشر : من فترة للتانية
من فترة للتانية لازم تكشر عن أنيابك في الوحدة يعني مش معني انك ملكت زمام الامور في الوحدة يبقي تستكين وتسكت لا لازم كل فترة تبين انك صاحي وواخد بالك ومستعد لاي حاجة

ثلاثة عشر : لا تبالي
لو اتحولت شئون قانونية أو أخدت جزا ما تظهرشي أي خوف ولا قلق قدام الموظفين وخد الامور ببساطة وانه مش هامك حتي لو روحت النيابة الادارية عادي جدا

أربعة عشر : احترم
احترم الموظفين المحترمين وحاول تكسبهم وطنش الموظفين الغير محترمين وعاملهم رسمي

خمسة عشر : خد بالك
خد بالك انه المنافقين كتير من موظفين الوحدات الصحية يعني ما تتغرش بالكلام بتاعهم
ستة عشر : اجمع كل الداتا
يا سلام لو سألت علي الوحدة بتاعتك أبل ما تستلم فيها الشغل وتعرف تاريخ كل موظف وحوادثه المشهورة وأول ما تستلم تعمل اجتماع بيهم وتحسسهم انك عارف عنهم كل حاجة

سبعة عشر : أبل ما تاخد أي قرار
أبل ما تاخد أي قرار لازم تفكر كويس وتسأل علشان لما تاخد القرار ما ترجعشي فيه

ثامنا عشر : سامح
ممكن تسامح المخطأ مرة واتنين وتلاتة لكن أكتر من كده يبقي لازم تاخد موقف وموقف قوي علشان الغلط ما يتكررشي تاني طبعا فيع بعض الاخطاء مش هاينفع يتسامح فيها

تسعة عشر : انت الكبير
انت كبير الليلة في الوحدة الصحية يعني ما تخليش أي حد من بره يتعدي عليك ويظهرك بصورة ضعيفة قدام الموظفين بتوعك يعني مثلا لو جالك تفتيش من المجلس القروي أو مجلس المدينة تعامل معاه كويس لو كان كويس ومحترم لو كان جاي بئه يتنطط يبقي اهتره ايوه اهتره وعامله رسمي وقانوني وبدون أدني اهتمام بدون ما تغلط فيه هو اساسا مالوش غير دفتر الحضور والانصراف والنضافة في الوحدة
ولو تفتيش مجلس قروي جالك واتنطط عليه تاني خلي المراقب الصحي بتاعك يطلع للقرية ويكتب محاضر عن النظافة والزبالة بالقرية وكل شويه ابعتله مذكرة نظافة وخليه يبعتها المجلس القروي ويطالبه فيها بازالة الزبالة من القرية واكتب مذكرة بكده ولمح فيها انك ممكن تبعت لرئيس مجلس المدينة
وقتها هايعملك حساب

عشرين : أي ورقة
أي ورقة أو مذكرة لازم تصدرها في الصادر وكذلك أي اشارة تسجل في الوارد وتنبه علي الموظف انه يطلعك علي أي اشارة تجيلك
ولو جات الاشارة خاصة بموظف معين تخليه يمضي عليها بالعلم

واحد وعشرون : لو عندك
لو عندك موظف بتاع مشاكل ووحش تصيدله الاخطاء والغلط وابعت فيه مذكرة في اتنين في تلاتة في اربعة بس مذاكرات ياخد فيها جزا يعني حاجة فعلية وبعد كده ارفق كل الجزاءات بتاعته في مذكرة لمدير الادارة علشان تنقله ولو رفض مدير الادارة انه ينقله اطلع علي وكيل الوزارة وقؤله مش هاينفع اشتغل وده موجود في الوحدة

اثنان وعشرون : المعادلة الصعبة
حاول توصل للمعادلة الصعبة انه الموظفين يحبوك وفي نفس الوقت يحترموك ويعملوا ليك ألف حساب في كل كبيرة وصغيرة
ثلاثة وعشرون : خلي راسك مرفوعة دايما
ما تخليش موظف يكسر عينك بأي حاجة سؤاء أنه يجبلك كشوفات وانت تتهاون معاه علشان النقطة دي وما تقبلشي عزومات من أي موظف من موظفين الوحدة خصوصا في البداية غير بعد فترة طويلة من الشغل معاهم وما تقبلشي هدايا جوا الشغل غير بعد فترة برده بعد ما تكون عرفت الدنيا ماشية ازاي في الوحدة ومين الكويس ومين الوحش
أربعة وعشرون : مظهرك
اظهر دايما بمظهر نضيف ولائق بدكتور ومدير للوحدة ودي اساسا حاجة شخصية بتكون في الشخص نفسه

خمسة وعشرون : لا تظلم
الظلم ظلمات راعي ربنا في الموظفين بتوعك واحرص انك ما تظلمشي أي حد في أي حاجة

ستة وعشرون : لا تخاف
لا تخاف في الحق لومة لائم وتاكد انه ربنا هايوقف معاك وهاينصرك ما دام ماشي صح وبتعمل الصح

سبعة وعشرون : اذا أردت
اذا أردت ان تطاع فاطلب ما يستطاع ما تحملشي موظف أكتر من طاقته

ثامن وعشرون : راعي
راعي الظروف القهرية للموظفين لانه ممكن يقصروا في شغلهم لاي سبب قهري

تسع وعشرون : ابدع
حاول تعمل حجات جديدة ومفيدة للشغل و حاول تعمل علاقات من المسئولين من خلال شغلك في الوحدة الصحية ده هاينفعك بعدين انا عن نفسي وصلت للوزير ولقيادات كبيرة في وزارو الصحة من خلال شغلي في وحدة طب أسرة

الثلاثون : كلكم راع وكلكم مسئول عن رعيته
انت مسئول قدام ربنا في كل حاجة في الشغل واي تقصير او اهمال انت مسئول بصورة رئيسية او صورة جزئية فيه علشان كده اعمل شغلك بضمير وكما يجب بغض النظر عن كل المواقف البايخة اللي هاتقابلها من الادارة او المديرية او الوزارة
ومادام وافقت علي عملك يبقي لازم تؤدي عملك كما يجب و تحاول دايما انك تتقن عملك
ان الله يحب اذا عمل أحدكم عملا أن يتقنه

==================================
انتهي الجزء السابع

علي وعد بلقاء ان شاء الله في الجزء الثامن ( السفر للعمل بالخارج ) من سلسلة


دكتور

أحمد رفعت عدلي

Related Keyword terms:

,اداريات الوحدة الصحية,كيف تتعلم اداريات فى الوحدات الصحيه,مستقبل الطبيب بعد التخرج,اداريات الوحدات الصحية للبنات,اداريات الوحده الصحية,الجزء السابع مستقبل الطبيب 2011,موظف فى ورطة عهدة فقدت,واجبات المراقب الصحي في وحده صحيه بالدقهليه

share save 171 16 الجزء السابع من سلسلة مستقبـــــــل الطبيب وهو الإداريــــــــــات

]]> http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b3%d8%a7%d8%a8%d8%b9-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html/feed 0 الجزء السادس من سلسلة مستقبـــــــل الطبيب وهو العيـــــــــــــــادة http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b3%d8%a7%d8%af%d8%b3-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b3%d8%a7%d8%af%d8%b3-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html#comments Thu, 22 Oct 2009 18:37:27 +0000 Mostafa Elbehery http://www.medcastle.com/?p=6754 العيـــــــــــــــادة



الأوراق المطلوبة لتسجيل عيادة خاصة

1-صورة عقد الإيجار أوصورة عقدالتمليك مثبت التاريخ بالشهرالعقارى +إيصال نورأوتليفون
2- صورة كارنيه النقابة .
3- صورة ايصال آخرسداداشتراك للسنة المنتهية .
4- صورةمن شهادة الأخصائى أو الاستشاري الصادرة من النقابة
5- رسم تسجيل١٠٠جنيه + رسم معاينة٤٥ جنيه .
6- روشتة أصلية مدموغة مطبوعة وليست كمبيوتر .
7- تقدم الأوراق بالنقابة الفرعية وترفق الأصول للإطلاع .
8- ورقة تحديث بيانات بالنقابة الفرعية.

تعليمات هامة


1_ إذا كان الطبيب ممارس عام يكتب على اللافتة والروشتة ” ممارس عام ” أو ” بكالوريوس طب وجراحة .
2- إذا كان الطبيب أخصائى ترفق شهادة الأخصائى الصادرة من النقابةويلتزم بكتابة التخصص فقط باللافتة والروشتة .
3- إذا كان الطبيب استشارى ترفق شهادة الاستشاري الصادرة من النقابة ويلتزم بكتابة التخصص
4- إذا كان الطبيب عضو هيئة التدريس ترفق شهادة من الجامعة تفيد ذلك .
5- فى حالة وجود شهادة زمالة أو دكتوراه يتم تسجيلها أو ً لا فى قسم السجلات بالنقابة .
6- يتم مراجعة النقابة في بيانات اللافتة والروشتة قبل كتابة بيانات اللافتة والروشتة

يراعى في إثبات الملكية أن يكون باسم الطبيب نفسه مع ملاحظة الحالات الآتية :


1- يكتب الطبيب إقرار على عقد الإيجار أو التمليك بأنه صورة طبق الأصل ويوقع عليه٠
2- يوثق العقد بالشهر العقارى مع إثبات تاريخ
3- بالنسبة لإيصال النور أو فاتورة التليفون يقدم الأصل ويكون العنوان موضح بالفاتورة أو الإيصال
4- في حالة تقديم عقد تمليك يوثق العقد بالشهر العقارى أو يرفق به ايصال الكهرباء أو فاتورة التليفون
5- يراعى أن تكون العيادة مجهزة تمامًا ، واللافتة موضوعة قبل إجراء المعاينة .
6- فى حالة رغبة الطبيب فى إضافة شهادات الزمالة أو العضوية من أى دولة يتم إضافتها بشهادة الأخصائى أو الاستشاري أولا بقسم السجلات بالنقابة العامة
7- يتم تصوير جميع الأوراق من نسختين
8- تقديم الأوراق بالنقابة الفرعية

أنا رفعتلكم علي اللينك اللي تحت ده الآتي :


1- طلب تسجيل عيادة خاصة .
2- طلب إلغاء تسجيل عيادة خاصة .
3- الأوراق المطلوبة لتسجيل عيادة مشتركة .
4- طلب تسجيل عيادة مشتركة .
5- الأوراق المطلوبة لتسجيل مستشفي خاص ( عقبالكو جميعا )
6- طلب تسجيل مستشفي خاص .
7- الأوراق المطلوبة لتسجيل مركز تخصصي .
8- طلب تدوين التخصص بالعيادات .
9- الشروط الواجب توافرها في حجرة العمليات الصغري والمتوسطة .
10- إقرار توصيف العمليات الصغري للعيادات المتخصصة .
11- عقد المستشفيات والعيادات المشتركة والجمعيات الخيرية .
12- عقد اتفاق مع المدير الفني .
13- قانون المنشات العلاجية الخاصة .
14- تعديل أحكام القانون 51 بشأن تنظيم المنشات الطبية .

اللينك اهوه

http://www.mediafire.com/?jcsu03qb9w9

كيف تنجح عيـــــــــــادتك ؟؟


أولا : صلاة الاستخارة
ما خاب من استخار وما ندم من استشار

ثانيا : مكان العيادة
اختار مكان معروف وحيوي ويفضل يكون جنب الدكاترة علشان المريض اللي يجي لدكتور زميلك يشوف اليافطة بتاعتك وبكده ناس كتير تعرفك

ثالثا : الدعايا
لازم تعمل دعايا كويسة أوي أوي للعيادة بتاعتك وده عليه دور كبير سؤاء دعايا بالصوت أو اليافطة أو الدعايا الورقية أو الدعايا علي هيئة هدايا بسيطة زي ساعة حائط لزمايلك الأطباء
ما تبخلشي علي موضوع الدعايا ده لأنه مهم أوي

رابعا : المعاملة الحسنة
لازم تتعلم ازاي تتعامل مع أنواع المرضي وده فن كبير ومش كل دكتور شاطر شغال أوقات نلاقي دكاترة مستواهم عادي أو أقل من العادي بس شغالين طحن لأنهم عارفين يتعاملوا ازاي مع المرضي
ويا ريت تقرا وتتعلم عن موضوع مهارات الاتصال وخلي أسلوبك لبق ومناسب مستوي المريض الثقافي وكن مقنعا
ولاحظ أسلوب الدكاترة الناجحين مع مرضاهم
من الآخر الدين المعاملة

خامسا : خليك في المعقول
بالنسبة لأجر الكشف بتاعك أو أجر عملية من العمليات يكون في المعقول يعني ولا هو زايد عن اللي الدكاترة اللي حواليك ولا هو أقل منهم مع مراعاة فرق الدرجة العلمية بينك وبين أساتذة الجامعة
ولو ربنا أكرمك والعيادة اشتغلت وحبيت تزود بلاش تزود كشفك كتير الرأفة والرحمة والقناعة حلوة

سادسا : العلاقات
لازم علاقاتك في الوسط اللي انت بتشتغل فيه سؤاء مستشفي ولا غيرها تكون كويسة ومحترمة ابتداء من العامل في المستشفي حتي مدير المستشفي وكل الناس المحيطة بيك وكن متواضعا
لا تتكبر علي أي شخص مهما كان سؤاء مريض أو غيره لأنه دي أول حاجة بتطفش منك المريض كن متواضعا التواضع اللي بيحافظ علي علاقاتك مع الآخرين التواضع اللي يرفعك مش التواضع اللي ينزلك تحت

سابعا : المظهر
لابد أن يكون مظهرك العام يكون نضيف وجميل وأنيق ويا سلام لو معاك حتة عربية نضيفة هاتعملك برستيج حلو

ثامنا : شغلك الحكومي
اشتغل في شغلك الحكومي بما يرضي الله وبضمير لأنه أولا انت محاسب عليه وثانيا علشان هايجبلك شغل في البرايفيت ولو كانت سمعتك حلوة في شغلك الحكومي صدقني ده هايجبلك شغل كويس أوي في عيادتك الخاصة ولو حسيت انك مش قادر علي شغلك الحكومي خد إجازة بدون مرتب أفضل بس بعد ما عيادتك تشتغل

تاسعا : ارضي
ارضي بما قسمه الله لك ولا تنظر إلي زميلك ولا تتابع نجاحه خليك في نفسك وطور من نفسك واعلم تمام العلم انه مهما عملت فالأرزاق بيد الله انت بس بتعمل اللي عليك والباقي علي ربنا

عاشرا : تعلم
احرص علي انك تتعلم وتقرا وتشوف وتشتغل حجات جديدة وما تسبشي نفسك بعد ما تفتح عيادة بدون تعليم أشياء جديدة لأنه كل يوم فيه جديد في العلم وتأكد كل ما تتعلم أكتر كل ما شغلك بيزيد وحتي لو عيادتك اشتغلت برده احرص علي انك تتعلم لأنه ممكن يجي وقت يظهر فيه دكتور يعرف حجات جديدة انت ما تعرفهاش وده ممكن ينقص من شغلك وما تفتحشي العيادة غير لما تكون تمكنت من التخصص بتاعك ولا تتعجل نجاح العيادة اصبر الناس بتصبر سنة واتنين وتلاتة وربنا بيكرمهم في الآخر

احدي عشر : أبدا بحاجة جديدة
يا ريت لو تقدر تعمل حاجة جديدة في عيادتك محدش عملها أبلك من الدكاترة اللي حواليك يبقي ممتاز يعني مثلا لو عيادة باطنة تجيب جهاز سونار أو تخلي العيادة بتاعتك 24 ساعة استقبال لحالات الطوارئ المهم انك تعمل حاجة جديدة تميزك عن اللي حواليك
اثنا عشر : مظهر العيادة
لابد ان تكون العيادة مظهرها نضيف ومرتبة ومنسقة ويا سلام لو فيها شويه ديكور هاتدي انطباع حلو للمريض

ثلاثة عشر: إنها الأمانة
يا جماعة سيبكم من كل اللي فات اسمعوني في اللي جاي ده
والله إحنا علينا مسئولية كبيرة أوي قدام ربنا أبل ما يكون قدام أي حد تاني
اعتبر انه المريض ده والدك أو والدتك أو أخوك أو أختك
هاتعمل إيه معاه
اعمل كل اللي تقدر عليه مع المريض بتاعك
لا تخجل من انك تتهرب بذوق من مريضك من غير ما يحس إذا كنت لا تعرف حالته أو لا تتردد في تحويله الي أحد من زمايلك لو كان محتاج فعلا تحويل
اعمل اللي يمليه عليك ضميرك بغض النظر عن أي حاجة
اتق الله مع مريضك أو مريضتك في كل تصرفاتك لأنك ما تعرفشي ممكن يجي عليك اليوم وتكون انت فيه المريض بدلا من الطبي
واعلم انه الله يراقبك في كل شئ

================================================== =======


انتهي الجزء السادس

علي وعد بلقاء ان شاء الله في الجزء السابع ( الاداريات ) من سلسلة

مستقبل الطبيب

دكتور

أحمد رفعت عدلي

Related Keyword terms:

,الجزء السادس مستقبل الطبيب 2011,عقد طبيب

share save 171 16 الجزء السادس من سلسلة مستقبـــــــل الطبيب وهو العيـــــــــــــــادة

]]> http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b3%d8%a7%d8%af%d8%b3-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html/feed 0 الجزء الخامس من سلسلة مستقبـــــــل الطبيب وهو الزمالات والمعادلات http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ae%d8%a7%d9%85%d8%b3-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ae%d8%a7%d9%85%d8%b3-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html#comments Thu, 22 Oct 2009 04:33:37 +0000 Mostafa Elbehery http://www.medcastle.com/?p=6735 السلام عليكم ورحمة الله وبركاته

النهاردة موعدنا من الجزء الخامس من سلسلة

مستقبـــــــل الطبيب

وهو

الزمالات والمعادلات

أولا الزمالات :

** تنقسم الزمالات إلي :
1- زمالة مصرية .

2- زمالة أجنبية

الزمالة المصـــــــــــرية
يستطيع التقديم للزمالة المصرية كلا من :


1. الأطباء العاملين بوزارة الصحة والسكان والهيئات والمؤسسات والمراكز الطبية التابعة لها.
2. من الأطباء الغير عاملين بوزارة الصحة والسكان

شروط القبول للأطباء العاملين بوزارة الصحة

أولا : يسمح لأطباء التكليف التقدم فى التخصصات الأبية ( طب الطوارىء – التخدير – الطب النفسى – الأشعة التشخيصية – الباثولوجيا الإكلينيكية – طب الأسرة ) بعد إستلام التكليف مباشرة وبدون قضاء مدة معينة بعد الإستلام.

ثانياً :
ا. التخصصات العامة :
(طب الأطفال – الأمراض الباطنية – الجراحة العامة – النساء والتوليد – طب وجراحة العيون – الأنف والأذن والحنجرة – طب نقل الدم ومشتقاته – مكافحة العدوى – طب أسنان الأسرة – جراحة الفم والفكين – علاج الأورام – العلاج الإشعاعي للأورام)
يسمح بالتقدم للزمالة المصرية فى التخصصات السابق ذكرها :
§ الأطباء المقيمون فى ذات التخصص المتقدمين له.
§ الأطباء الحاصلون على الدبلوم أو الماجستير فى التخصصات السابق ذكرها

ب . الجراحات التخصصية :

(جراحة العظام – جراحة المسالك البولية – جراحة القلب – جراحة الصدر – جراحة المخ والأعصاب)
يسمح للأطباء الحاصلين على :
1. دبلوم الجراحة العامة أو الدبلوم فى التخصص المطلوب.
2. ماجستير الجراحة العامة أو ماجستير فى التخصص المطلوب.
3. زمالة الجراحة العامة. أو
4. الأطباء الذين أنهوا التدريب فى تخصص الجراحة العامة بالزمالة المصرية لمدة عامين واجتازوا امتحان الجزء الأول للجراحة العامة.
بالتسجيل فى الزمالة المصرية ويكون التحاقهم بالسنة الثالثة التدريبية فى فرع التخصص المطلوب.

ج. الباطنة التخصصية :


( أمراض الكلى – أمراض القلب والأوعية الدموية).
يسمح للأطباء الحاصلين على :
1. دبلوم الباطنة العامة أو الدبلوم فى التخصص المطلوب.
2. ماجستير الباطنة العامة أو ماجستير فى التخصص المطلوب.
3. زمالة باطنة عامة
أو 4. الأطباء الذين أنهوا التدريب فى تخصص الباطنة العامة بالزمالة المصرية لمدة عامين وإجتازوا إمتحان الجزء الأول للباطنة العامة.
بالتسجيل فى الزمالة المصرية ويكون التحاقهم بالسنة الثالثة التدريبية فى فرع التخصص المطلوب.

د. أورام الأطفال :


يسمح للأطباء الحاصلين على درجة الزمالة أو الدكتوراة فى تخصص طب الأطفال التسجيل لزمالة أورام الأطفال ويكون التحاقهم بالسنة الخامسة التدريبية.

ثالثاً : يشترط الحصول على :

ý شهادة اجتياز اختبار اللغة الإنجليزية (Local TOEFL) بمعدل 500 درجة قبل التقدم لامتحان الجزء الأول.
; شهادة اجتياز إختبار المهارات الأساسية فى الحاسب الآلى (Word – PowerPoint – Internet) قبل التقدم لامتحان الجزء الأول.
; الحصول على موافقة جهة العمل الأصلية على نموذج الالتحاق.
; يشترط ألا يكون الطبيب ملتحقاً فى وقت التقدم لدراسة درجة الدبلوم أو الماجستير بالجامعات أو مسجل لأى تخصص آخر بالزمالة.
; الحد الأقصى المسموح به للسن 35سنة للحاصلين على البكالوريوس – 37سنة للحاصلين على كل من الدبلوم أو الماجستير.
; الأطباء الحاصلون على الزمالة المصرية أو الدكتوراة ويرغب فى التسجيل للزمالة فى أحد التخصصات الفرعية يسمح لهم بالتقدم حتى سن 40سنة.
; الأطباء العاملون بوزارة الصحة والسكان ويرغبون فى التسجيل للزمالة والذين تجاوزوا السن المنصوص عليه سابقاً يسمح لهم بالتقدم بحد أقصى 45سنة ويتم قبولهم حسب ما يتوفر من أماكن تدريبية بعد إستيفاء العدد من الذين تنطبق عليهم شروط السن وتطبق عليهم القواعد الخاصة بالأطباء الغير عاملين بوزارة الصحة والسكان.
; الأطباء الغير عاملين بوزارة الصحة والسكان يسمح لهم بالتقدم بحد أقصى 45 سنة وتقدم الطلبات بمقر الزمالة المصرية.
; يتم القبول فى التخصصات المختلفة طبقاً للأماكن التدريبية المتاحة بالمحافظات.
; تقدم الطلبات على النموذج الخاص للالتحاق الموجود فى مديريات الشئون الصحية والهيئات والمؤسسات والمراكز الطبية التابعة لها ومقر الزمالة

ترفق الأوراق التالية مع طلب التقدم للإلتحاق :


1. أصول المؤهلات العلمية.
2. بيان الحالة الوظيفية من واقع ملف الطبيب معتمد من جهة عمله الأصلية.
3. صورة شهادة الميلاد.
4. عدد ثلاثة صور شخصية حديثة 4× 6.
5. صورة تحقيق الشخصية.
6. الموقف من التجنيد.

رابعا: شروط قبول الأطباء من غير العاملين بوزارة الصحة والأطباء العرب

• يقوم الطبيب بدفع مقابل التدريب مبلغ 1000 جنيه إسترليني عن كل عام تدريبي طبقاً لسنوات التدريب.

• مقابل الامتحان مبلغ 200 جنيه إسترليني لكل جزء من الامتحان.
• تقدبم أصل الشهادات الدراسية وسنة الامتياز
• تقديم ترخيص مزاولة المهنة المؤقت الصادر من وزارة الصحة المصرية ويجدد سنوياً.
• تقديم كشف طبي بخلوه من الأمراض المعدية وتحليل للدم بخلوه من الفيروسات والإيدز من المعامل المركزية التابعة لوزارة الصحة .
• يقوم الطبيب بالتأمين ضد أخطار مزاولة المهنة لدي احدي شركات التأمين المصرية.
• له الحق في حضور جميع المحاضرات والتدريب العملي والدورات المكثفة أسوة بزملائه في نفس التخصص.

الخطوات التي يتبعها الطبيب المتدرب بعد قبوله بالزمالةالمصرية

• إخلاء الطرف من مكان العمل الأصلي والحضور لمقرالزمالةلإستلام خطاب التدريب.
• يقوم الطبيب بسداد رسومالتسجيل.
• يتم استلامه العمل بمقرالزمالةمع عملالكارنيه الشخصي واستلام كتاب المحتوي العلمي وكتاب الأنشطة العلمية الخاص بكلتخصص.
• حضور الاجتماع الخاص بالمتدربين الجدد والذي يعقد بمقرالزمالةفي نفس اليوم.
• إستلام خطاب التوجيه للتدريب منمقرالزمالةحسب التخصص المرشح له والتوجه إليالمستشفي التدريبي التي تم قبوله بها ، هذا ويتم تجديد الانتداب سنوياً بموافقةالإدارة العامة للزمالة المصرية وذلك بعد تقديم التقييم السنوي للمتدرب.
• تسددرسوم التدريب سنوياً عن كل عام تدريبي بمقر الزمالة


تعــــليمات عامة


· إذا إعتذر المتدرب عن إستلام العمل بعد قبوله بالزمالة مباشرة يحرم من التقدم للدراسات العليا و المنح لمدة عامين
· يسمح للطبيب المتدرب بالزمالة بوقف القيد لمدة عام واحد فقط علي الأكثر خلال مدة التدريب في الحالات القهرية مع ذكر السبب وهذا العام يخصم من مدة التدريب ـ و يستعاض عنه بعام آخر بدون حوافز في نهاية المدة التدريبية ، و إذا تم التجاوز عن مدة العام يعتبر معتذر و يتم فصله

يلتزم متدرب الزمالة بالعمل بجهة عمله الأصلية مدة مماثلة لمدة التدريب التي قضاها بالزمالة المصرية

http://www.medcastle.com/?p=3757


http://www.medcastle.com/?p=3761
مميزات التدريب بالزمالة المصرية


(1 ) شـــهـادة الزمالة المصرية
يمنح الطبيب شهادة الحصول علي الزمالة المصرية و ذلك بعد إتمام مدة التدريب المطلوبة وإجتياز الإمتحان النهائي في التخصص تمكنه للحصول علي الترقية المستحقة و كذلك التعاقد للعمل بالخارج

( 2 ) الترقيات لأطباء الزمالة
يتم الترقية للأطباءالحاصلين علي الزمالة المصرية طبقا للقرار الوزاري رقم 62 لسنة 2004 ويترقي الطبيب إلي درجة أخصائي من تاريخ إجتيازه الإمتحان النهائي للزمالة المصرية

( 3 ) الزمالة المصرية ونقابة أطباء مصر
يتم تسجيل الحاصلين على الزمالة في سجل الأخصائيين من تاريخ حصوله علي الزمالة

( 4 ) مشاركة خريجي الزمالة المصرية في التدريب
· تتم إتاحة المشاركة في التدريب كمدربين في المستشفيات والمراكز التدريبية المعتمدة لبرنامج الزمالة المصرية.
· المشاركة فى أنشطة التدريب بالمديريات والهيئات التابعة لوزارة الصحة والسكان.

5) التعاقد
مع صندوق صحة الأسرة وكذا عيادات صحة الأسرة التابعة لهيئة التأمينالصحىللأطباء الحاصلين علي زمالة طب الأسرة.

6) فرص العمل بالخارج
يوجد إتفاقيات علمية واعتراف متبادل بالتدريب والامتحانات بين الزمالة المصرية والبورد السعودي و البورد العربى

نظام الامتحانات


· تقييم مستمر عن طريق كتاب الأنشطة Log book .
· تقييم سنوى محلى لنقل المتدرب من سنة إلى السنة الأعلى.
· امتحان الجزء الأول فى العلوم الأساسية ويعقد مرتين سنويا فى أبريل و أكتوبر.
· علي المتدرب الحصول على الجزء الأول قبل السماح له بالانتقال إلى السنة الرابعة.

امتحان الجزء الثانى النهائى يعقد بعد اتمام المتدرب السنوات التدريبية 4أو5أو6 سنوات طبقا للتخصص

الشهــــادة


· بعد استكمال السنوات التدريبية بنجاح و النجاح فى الجزء الثانى.
· يمنح الطبيب شهادة الزمالة المصرية للمجلس العلمى للتخصص ( F.E.B) .
· الشهادة مثل البورد العربى والأمريكي وهناك اتجاه للاعتراف المتبادل مع البورد العربى والزمالة البريطانية.

الشهادة هى شهادة مهنية تقوم على أساس برنامج تدريبي منهجى وتؤدى للتعيين فى مصر والخارج كإخصائى ثم استشارى

علاقة الشهادة بالجامعات


· الجامعات تختص بإعطاء الشهادة الأولى ( البكالوريوس ) و الشهادات الأكاديمية والأبحاث.
· الزمالة المصرية تختلف عن الشهادة الأكاديمية بأنها شهادة مهنية تهتم بالتدريب العلمى الموثق الذى يؤهل الطبيب ليكون استشاريا على مستوى عال – ومثلها فى ذلك مثل الزمالة البريطانية والبورد الأمريكى .
· أساتذة الجامعات هم ركن أساسى فى التدريب فى برنامج الزمالة.

تعطى الزمالة الفرصة للحاصل على دبلوم للالتحاق بالسنة الثانية و الحاصل على ماجستير الالتحاق بالسنة الثالثة

ثانيا : الزمالات والمعادلات الأجنبية

تابع قسم الزمالات في الموقع


والان مع

( كيف تحصل علي الزمالة أو المعادلة )

الوصايا العشر للحصول علي الزمالة أو المعادلة الأجنبية

أولا : صلاة الاستخارة
ما خاب من استخار ولا ندم من استشار



ثانيا : حدد هدفك
حدد الأول انت عاوز تتخصص ايه وتكون من متأكد من اختيارك لتخصصك لأنه مش هاينفع تاخد نيابة في تخصص غير اللي بتذاكر فيه للزمالة



ثالثا : اجمع كل الداتا
حاول تعرف كل حاجة كل المعلومات عن المعادلة أو الزمالة اللي ناوي تذاكر فيها اعرف كل شئ من البداية حتي النهاية لأنه ممكن يكون فيه حجات فيها مش تناسبك أو ظروفك مش بتسمح بيها

رابعا : أمن نفسك
الزمالة أو المعادلة حبالها طويلة وعاوزة صبر ومثابرة واجتهاد علشان كده ما تتسرعشي وادرس الموضوع دراسة كويسة من كل النواحي والمفروض تأمن نفسك الأول بدبلومة ولا ماجستير مصري لأنه زي ما قؤلتلك الزمالة حبالها طويلة فا مش معقولة هاتوقف حياتك كلها عليها يعني تسيب نيابتك وتسيب شغلك كله علشان تذاكر في الزمالة لأنه ممكن تحصلك ظروف بعدين وما تقدرشي تكمل فيها وبالتالي تكون خسرت كل حاجة إلا إذا كنت طبيب حر وحالتك المادية مرتاحة أو عرفت توفق بين الزمالة أو المعادلة وبين شغلك وبين نيابتك

خامسا : ايه الفايدة ؟
لازم تقعد مع نفسك وتسأل نفسك أنا عاوز اخد الزمالة ليه ؟؟ هل علشان السفر والشغل بره هدف جميل طبعا هل علشان تشتغل بيها في مصر ممكن برده بس اعتقد الشغل بيها في مصر مش مجدي أوي إلا في بعض المحافظات زي القاهرة لأنك مش هاتتعب وتصرف فلوس كتير علشان تقعد بيها في مصر خصوصا انه مادياتها بره أحسن من مصر أما لو عاوزها علشان هدف علمي بحت أو مكانة اجتماعية

سادسا : ابـــــدأ
علي أد ما تقدر ابدأ بدري يعني لو ينفع تمتحن أو تذاكر وأنت في امتياز يبقي كويس وممكن تستغل التكليف انك تذاكر وتدخل الفيرست كمان وبكده يبقي حققت خطوة حلوة ولما تدخل نيابتك تمتحن السكاند أو حسب الظروف وقتها

سابعا : اتعرف وتواصل
حاول تتعرف وتتواصل علي دكتور زميلك ماشي في موضوع الزمالة أو موضوع المعادلة ويا ريت يكون كمان اخد الفيرست او السكاند أو خلصها كلها هاتستفيد منه جامد في حجات كتير أوي أوي أوي

ثامنا : لا تنسي
أي معادلة أو زمالة عاوزة فلوس فا لازم تكون عامل حساب موضوع الماديات ده لأنه مهم

تاسعا : لو تقدر خد
لو تقدر تاخد كورسات في الزمالة أو المعادلة خد هايوفر ليك وقت وبنسبة 95 % هاتعدي ان شاء الله لو صممت وكان عندك عزيمة ودلوقتي فيه مركز اسمه سكور بيدي كورس في معظم الزمالات الأجنبية

عاشرا : لا تستمع
لا تستمع إلي كلام الناس اللي ممكن تقؤلك انه الحصول علي الزمالة أو المعادلة شئ مستحيل لا لا ثم لا ايوه هيا صعبة لكن مش مستحيلة بدليل انه فيه أطباء كتير بتاخدها وهما مش أحسن منك وأنا مؤمن تمام الإيمان انه مفيش مستحيل مادام فيه توفيق من ربنا وتصميم وعزيمة قوية من الطبيب

وأخيرا
وفقكم الله أكرمكم الله هداكم الله الي ما فيه الخير

=================================
انتهي الجزء الخامس


علي وعد بلقاء ان شاء الله في الجزء السادس ( العيــــادة ) من سلسلة


دكتور
أحمد رفعت عدلي

Related Keyword terms:

,مميزات تخصص طب الاطفال,مراكز الزمالة البريطانية بالسعودية,كيف تحصل على الزمالة البريطانية gastroenterology,مستقبل الزماله المصريه بالسعوديه,مستقبل الطبيب 2011,الزمالة المصرية في الاشعة,مستقبل الزمالة البريطانية,مستقبل الزمالة البريطانية للجراحة فى مصر,مميزات تخصص النساء والولادة,مستقبل الزمالة المصرية

share save 171 16 الجزء الخامس من سلسلة مستقبـــــــل الطبيب وهو الزمالات والمعادلات

]]> http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ae%d8%a7%d9%85%d8%b3-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html/feed 1 كيف تحضر رسالة الماجستير أو الدكتوراه (اضافة لموضوع التسجيل) http://www.medcastle.com/%d9%83%d9%8a%d9%81-%d8%aa%d8%ad%d8%b6%d8%b1-%d8%b1%d8%b3%d8%a7%d9%84%d8%a9-%d8%a7%d9%84%d9%85%d8%a7%d8%ac%d8%b3%d8%aa%d9%8a%d8%b1-%d8%a3%d9%88-%d8%a7%d9%84%d8%af%d9%83%d8%aa%d9%88%d8%b1%d8%a7%d9%87.html http://www.medcastle.com/%d9%83%d9%8a%d9%81-%d8%aa%d8%ad%d8%b6%d8%b1-%d8%b1%d8%b3%d8%a7%d9%84%d8%a9-%d8%a7%d9%84%d9%85%d8%a7%d8%ac%d8%b3%d8%aa%d9%8a%d8%b1-%d8%a3%d9%88-%d8%a7%d9%84%d8%af%d9%83%d8%aa%d9%88%d8%b1%d8%a7%d9%87.html#comments Fri, 18 Sep 2009 20:53:21 +0000 Mostafa Elbehery http://www.medcastle.com/?p=6365 بسم الله الرحمن الرحيم

والان اخواني واخواتي الاطباء والطبيبات

أقدم لكم

( كيف تحضر رسالة الماجستير أو الدكتوراه )

بصراحة يا جماعة أنا لسه ما حضرتش الرسالة بتاعتي ومعلوماتي في موضوع تحضير الرسالة بسيطة
علشان كده أنا ضفت بعض المعلومات البسيطة ورتبت ونظمت موضوع تحضير الرسالة ده نقلا عن الأخ الدكتور الزميل هاني الرخاوي واللي نزله علي أحد
المنتديات الطبية
جــــــــزاه الله كل خير

خطوات تحضير الرسالة


أولا

تسجيل الرسالة


1- تقديم طلب إلي مجلس القسم لتحديد المشرفين علي الرسالة
2- تحديد موضوع الرسالة
3- يتم عمل بروتوكول للرسالة بحيث يتوافق عليه من المشرفين
4 – يتم إدخال البروتوكول مجلس القسم ثم مجلس الكلية ثم مجلس الجامعة

ثانيا


تحديد نوع الرسالة

وده بيتوقف علي سياسة القسم ونظامه حيث يوجد نوعين من الرسالة :

1- رسالة Essay ( المقالة ) :


- حيث يكون البحث نظري بحت بدون العمل علي حالات وذلك في الغالب في موضوع جديد أو موضوع صغير في مرجع بحيث يتم تغطية الموضوع من كل الجوانب .

- وأوقات القسم يمرر الرسالة يعني مفيش مناقشة يعني بعد ما تمضى على الموافقة على الرسالة من المشرفين تروح زى الباشا تمضيها من لجنة الممتحنين بعد ما تديلهم نسخه (لكل واحد ما عدا المشرف اللى فى لجنة الممتحنين) و تمضى منهم ورق المناقشة و تسلمه للدراسات العليا بدون مناقشه و لا بهدله و لا جاتوهات و لا فيديو .


2- رسالة Thesis ( الأطروحة ) :


تتكون من جزئين :
- جزء نظري تتكلم فيه عن موضوع البحث .
- جزء عملي و يشمل الحالات التى هتشتغل عليها و النتائج اللى طلعت بيها و تقارن شغلك و نتائجك فى الموضوع ده بالأبحاث المشابهة .

ثالثا


اختيار موضوع الرسالة


* إما :
- يحدده أكبر المشرفين درجة علمية أو
- يطلب من الباحث عدة مواضيع ويختار المشرف الرئيسي واحد منها وفي
الحالة دي تعمل الآتي :
1 تروح على مكتبات الكليات الكبيرة زى قصرالعينى وعين شمس وممكن الأزهر و الإسكندرية وتدور على الرسائل اللى إتعملت فى تخصصك فى آخر 3 سنين و تكتب أسمائهم فى ورقة
2- تجيب كمان المجلات العلمية اللى فى مجال تخصصك ويفضل تبقى أعداد آخر سنتين و تشوف موضوع يكون له مراجع كتيرة (و متوفرة) و برضه تعمل سيرش على النت على أفضل 3-4 مواضيع لقيت فيهم رسائل أو papers متوفرة
3- اسأل حد فىالقسم مثلاً مدرس أو أستاذ مساعد (إيه رأيك فى الموضوع ده؟؟؟ طبعاً مش من الناس هتشرف عليك )
4- حاول تبعد عن المواضيع المكلفة يعنى المواضيع اللى فيها معمل و الكيتس بتاعتها غالية أو مش متوفرة لأنه غالباً هتشترى الحاجات دى على حسابك و فى المتوسط هتشتغلك 50 حالة يبقى سيادتك فى أحسن الأحوال هتجيب من 100-150 من الكيتس و شوف هتصرف قد إيه … و المصيبة إنها ممكن ما تكونش متوفرة و تبعت تجيبها من بره على حسابك طبعاً .
5- حاول ما تزنقش نفسك فى حتة صغيره مثلاً ما بيبقاش (دراسة حول عمل الزائدة الدودية بمنظار البطن فى الرجال من عمر 30-35 سنه) يعنى كده تبقى حبكتها على نفسك قوى لكن مثلاً لو قلت (دراسة مقارنة بين منظار البطن و الفتح الجراحي لعمل الزائدة الدودية) و بدون تحديد أعمار أو مكان أو جنس معين .
6- إبعد تماماً عن الحاجات النادرة اللى علشان تجمع لهم الحالات المطلوبة بيكون صعب جدا
7- ما تختارش تشتغل على جهاز أو حاجه مش متوفرة فى مصر إلا إذا كان فيه إشراف مشترك على الرسالة بين أستاذ من مصر و أستاذ من دوله تانيه متوفر عنده الجهاز ده وبشرط إن المشرف الأجنبي هيسمحلك بالسفر تروح عنده وهيسمحلك بالشغل بأيدك فى البلد اللى هتروحها يعنى ميسمحلكش بمجرد observer-ship .

رابعا

البــــروتوكول


وهو عبارة عن خطة العمل بتاعتك في تحضيرالرسالة و كل كلمة فى البروتوكول هتحكم شغلك فى الرسالة بعد كده والبروتوكول يشمل الآتي :

- نبذه عن الموضوع .
- مواصفات الحالات اللى هتشتغلها وإيه اللى هيتعمل لهم و إذا كانت محددة بجنس معين أو سن معين و لا لأ .
- إيه هى مواصفات الحالات اللى هتشتغلها و إيه هى المواصفات اللى فى الحالات دى مش هتشتغلها Inclusion and Exclusion criteria …. – - الفحوص و الإشاعات اللى هتعملها لكل حاله (أو بعضها … لازم تحدد) .

A- كتابة غلاف البروتوكول


البروتوكول بيتكتب بالعربي وبالإنجليزي

بالإنجليزي كالآتي

1- في البداية وفي أعلى الصفحة
يتم كتابة عنوان الرسالة بخط كبير و BOLD و يفضل أنها كلها تكون بحروف CAPITAL

2- تسيب سطر و فى وسط الصفحههتكتب
Essay ولا Thesis

3- السطر التالي وفي فى وسط الصفحه هتكتب
Submitted By

4- السطر التالي و فى وسط الصفحه هتكتب
اسمك (يفضل إنه يكون رباعى) …. و طبعاً لاحظ إوعى حجم الفونت بتاع إسمك يبقى أكبر (أو حتى) مساوى لحجم الفونت اللي هتكتب بيه أسماء المشرفين

5- السطر التالي و فى وسط الصفحه هتكتب

M.B.B.Ch.
و تعنى بكالوريوس الطب و الجراحة لمن بللاتينى و هى اختصار
Medicin Baccalaureus et Baccalaureus Chirurgi


6- السطر التالي

In partial fulfillment of Master Degree

7- ممكن تسيب سطر (إن أمكن)
وفى وسط السطر التالي أو فى وسط هذا السطر لو كانت المساحة بتاعة الصفحه لا تسمح بترك فراغ …
هتكتب Supervisors أو تكتب Supervised By

8- بعدين هتكتب أسماء المشرفين تبعاً لأقدميتهم راعى النقطة دى كويس جداً
و طبعاً اسم أي واحد فيهم لازم يبقى Bold و يفضل إنه يكون كله Capital و طبعاً الاسم و التوصيف لكل واحد منهم بيبقى فى نص الصفحه

9- بعد ما تكتب الاسم تكتب التوصيف فى السطر التالي (يعنى أستاذ و رئيس قسم و لا أستاذ … و لا أستاذ مساعد … و لا مدرس)

10- ثم السطر التالى تكتب
إسم الكلية اللى الأستاذ شغال فيها

11- هتكتب فى آخر الصفحة من تحت و فى وسط السطر السنة الميلادية يعنى إحنا دلوقتى فى 2009 هتكتب 2009.

فيه بعض الأساتذة فى الأزهر بيصر على كتابة التاريخ الهجرى كمان

يبقى فى الحالة دى هتكتب
2009 (A.D.) – 1430 (H)


بالنسبة للغلاف العربي كالآتي


ماهو إلا ترجمه للغلاف الإنجليزي و يكتب بنفس طريقة كتابة الإنجليزي يعني

هتكتب
عنوان الرسالة بالعربي
و بعدين هتكتب
رسالة تمهيدية مقدمه من
الطبيب / و تكتب إسمك
بكالوريوسالطب و الجراحة

السطر التالى هتكتب
توطئة للحصول على درجة الماجستير التخصص

و بعدين هتكتب تحت إشراف
و تكتب الأساتذة بالترتيب والتوصيف اللى قلته فى الإنجليزي
بس طبعاً مترجم للعربى
و فى الآخر هتكتبالسنة زي ما قؤلنا

مثال للغلاف

رسالة بيشرف عليها 4 مشرفين …. واحد منهم رئيس قسم و الثاني أستاذ و الثالث أستاذ مساعد و الرابع مدرس
و لنفترض إنهم هم الأربعة إسمهم John Smith Adam و كلهم من قسم الجراحة العامة فى جامعة القاهرة
ملاحظة هامة : الغلاف مرفق بالموضوع بالمرفقات

B- كتابة البروتوكول

بالنسبة ل Thesis
هيكتب الآتى :

* Introduction
* Patients and Methods
و ممكن تكتب
Material and Methods

* Aim of the Work
* References
* Arabic Summary


ومن الناحية العربى
الملخص العربى

الهدف من الرسالة


بالنسبة ل Essay

نفس الكلام بس مفيش Patients and Methods
و ممكن حتى ما يكتبش كلمة Introduction
بس طبعاً هيكتب الكلام اللى مفروض إنه هيتكتب تحت كلمة Introduction


تطبيق عملي

و هنطبق سوا اللى هنقوله بشكل عملى على عنوان البروتوكول

أولا : فى ال Introduction موضوع زى

PREVALENCE OF LYMPHOMAS AMONG PATIENTS PRESENTED WITH FEVER OF UNKNOWN ORIGIN

ممكن الدخول له بطريقتين
إما عن طريق ال
Lymphoma
و إما عن طريق ال
Fever of unknwon origin (FUO)

هنتفق على الخطوات اللى هنعملها فى موضوع زى ده

طبعاً العناوين اللى هقولها دى مش هتتكتب و هتبقى ورا بعضها فى paragraph
واحد أو أكتر و يفصل بين كل جمله و الثانية
المرجع reference بتاع الجملة السابقة

أولا : ال Introduction


* هنكتب تعريف الموضوع :
- وإذا كان له خلفيه تاريخية أقصد تاريخ إكتشاف المرض ده)
- وإيه مدى انتشاره و مين الفئات المعرضة أكثر ليه .
- وإيه الحالة المرضية اللى ممكن يظهر بيها (أعراضه إيه) .
- ومن هنا تلقط خيط الربط بين ال Lymphoma و ال FUO …. و طرق التشخيص و العلاج و كيفية منع حدوثه إن أمكن و إذا كانت فيه حالات وفاة من تلازم ال lymphoma مع FUO و هل وجود ال FUO يفرق فى ال Prognosis و ولا لأ
- ويكون عدد المراجع بتاعتك فيها من 6-12 مرجع (الغالب 8 -10) كافية جداً
- و بكده يبقى مبروك خلصت ال Introduction …

ثانيا : ال Reference


* تعريفه *

هو المرجع اللي أخدت منه مقطع و أضفته للرسالة أو البروتوكول وال reference غالباً ما يكون paper و كلمة paper تعنى مقاله أو بحث من مجله علميه (يعنى بحث فى مجله علميه بيتكلم عن موضوع معين) و لا تعنى ورقه واحده كما قد يتبادر إلى الذهن لأول وهله

* أنواعه *


- المراجع إما ورقة بحث paper

- أو كتاب

-أو ال Quotation

بالنسبة ل Quotation …. يعنى إيه الأول ؟؟
دى معناها إن سيادتك أخدت المعلومة اللى انت كاتبها من مرجع متكوب فى المرجع أو الكتاب اللى عندك

- أو ال
personal communication

أنصح بعدم باللجوء إليه أبدا

ليه لا ينصح باللجوء إليه
الً .. personal communication تعنى إن فيه شخص مميز جداً و يشار إليه بالبنان فى موضوع معين … و هذا الشخص من الرواد فى هذا المجال …
و قالك المعلومة بنفسه (دى طبعاً مش ممكنه … و لو ممكنه دى ممكن تستفز الممتحنين جداً … لأنهم طبعاً فى نفس المجال … يعنى ممكن يسيب كل حاجه
ويمسكلك فى المعلومة اللى انت جايبها بال personal communication
لحد م تقول حقى برقبتى و تقر وتعترف إن المعلومة غلط و إنك لازم تغيرها ده إذا ما وافقلك على الرسالة أساساً ) بس ده طبعاً لو قراها (ممكن جداً ما ياخدش باله …. بس لو واحد ما خدش باله فيه على الأقل إثنين تانيين قاعدين فى لجنة الممتحنين )

كيفية كتابة ال References *


هناك نظامان لكتابة ال references …. وهما :

- النظام ال Alphabetical
- النظام ال Numerical
أو النظام الهجائى.. و النظام العددى


أولا : النظام الهجائى AlphabeticalSystem

داخل الرسالة …. هناك احتمال من 3
أول احتمال
لو كان ال reference ورقة بحث paper إزاى تكتبه جوه الرسالة يعنى ورا المقطع بتاعه ؟؟

* إذا كان اللى عامل الورقة البحثية دى شخص واحد هتكتب :
لقبه و comma و السنة اللى تم نشر البحث فيها
طبعاً الكلام ده بين قوسين و يفضل أن يكون Bold +Italic و حكاية بين قوسين و إن الفونت سميك و مائل هتطبق فى الحالتين القادمتين أيضاً
مثال

(Guyton, 1991)

* إذا كانوا شخصين يبقى هتكتب :
لقب الأول و لقب الثانى و comma و بعدين السنة
مثال

(Ganong and Guyton, 1991)

* لو كانوا أكتر من إثنين هتكتب :
لقب أول واحد و بعده بتحط comma اللى عليها نقطة (ما أعرفش إسمها إيه)
و بعدين تكتب et al و بعدها نقطة ثم comma و بعدين تكتب السنة
مثال

(Guyton; et al., 1991)

تاني احتمال
لو كان ال reference اللى كاتب منه فصل فى كتاب و الفصل ده كاتبه واحد من ال authors الرئيسيين بتوع الكتاب زى ما بنشوف فى المراجع الكبيرة تكتب مين؟؟؟؟
طبعاً هتكتب لقب اللى كاتب الفصل مش مؤلف الكتاب و بتفس الطريقة اللى فاتت (يعنى لو واحد و لا إثنين أو أكثر مشتركين فى كتابة فصل من الكتاب هتكتبه بنفس أسلوب ال paper بالضبط)
و بالنسبة للسنة هتكتب سنة نشر الكتاب

تالت احتمال
لو) personal communication والذي أنصحك بالإبتعاد عنه تماماً)
بس علشان تعرفو برضه ….. هنا بتكتب لقب الشخص – العلم اللى جبت منه المعلومة و السنة اللى قالك على المعلومة دى فيها

بالنسبة ل Quotation ….
وهنا هتكتب اللقب و السنة بتاع ال paper الأصلية مش اللى معاك

أمال ال Quotation يتكتب فين ؟؟
يتكتب ورا فى References Chapter … عموماً يا جماعه استخدام
ال Quotation بيبقى فى أضيق الحدود و يعنى لو سمحلك فى الرسالة
ب 2 أو 3 يبقى كويس جداً …. و بعدين خلينا نتكلم بصراحة
ما كله بيكتب ال references اللى مكتوبة وار ال paper ….

طيب إمتى أكتب Quotation ؟؟
لما تبقى paper من غير العقول إنك تكون جبتها … يعنى مثلاً وأنت بتكتب عن history بتاع حاجه و المرجع بتاع الجزء ده مثلاً سنة 1901 ساعتها ممكن حد من الممتحنين أو حتى المشرفين بتوعك يكلكعلك الدنيا و ما يرضاش يمضى إلا لما تجيب له ال paper الأصلية ….
ممكن جداً تفادى نقطة ال Quotation خالص بإنك تكتب المرجع اللى عندك فعلاً و خلاص

طيب إزاى نكتب المراجع بره ؟؟
يعنى فى References Chapter

أولا لو كان مرجعك ورقة بحث هيكتب كالآتى :


Author or Authors: Title
Journal, year; Journal Volume: from page-topage.

فيه طريقه أفضلها و هى
Author or Authors:
Title
Journal, year; Journal Volume: from page-topage
فيه طريقه (أنا شخصياً لا أحبذها) … و هى
Author or Authors (year): Title
Journal, Journal Volume: from page-topage.

و يا جماعه كلهم صح بس هى تفضيلات شخصية و ترجع طبعاً لما يفضله المشرف الرئيسي

هديلكم مثال على ما سبق
الرابط التالى فيه paper من ال
The New England Journal of Medicine
الرابط
http://content.nejm.org/cgi/content/full/352/9/865

أنا اخترت الجرنال ده بالذات علشان بيدى أوراق بحثيه كاملة فى مصر

و سمعت إنه مش كده فى الدول (مدى صحة المعلومة دى إيه .. الله أعلم
ما علينا … المهم إنها paper كاملة

المهم الموضوع ده إيه و مين اللى عاملينه و العدد و سنة كام

هكتب ده هنا بنظام ال
Copy and Paste

Volume 352:865-874
March 3, 2005

Number 9
U.K. Controlled Trial of Intrapleural Streptokinase for PleuralInfection
Nicholas A. Maskell, M.R.C.P., Christopher W.H. Davies, M.D., Andrew J. Nunn, M.Sc., Emma L. Hedley, Fergus V. Gleeson, F.R.C.P., RobertMiller, F.R.C.P., Rhian Gabe, M.Phil., Glyn L. Rees, Timothy E.A. Peto, F.R.C.P., Mark A. Woodhead, F.R.C.P., Donald J. Lane, F.R.C.P., Janet H. Darbyshire, M.B., Ch.B., Robert J.O. Davies, D.M., for the First MulticenterIntrapleural Sepsis Trial (MIST1) Group

طبعاً هنبدأ بال Authors
هنكتب لقب كل واحد و أول حرف من إسمه و أول من إسم أبوه ثم comma
ثم اللى بعده بنفس الطريقة ثم اللى بعده … لحد قبل الأخير هنحط بينه و بين الأخير and و مش هيبقى وراهم comma
ثم : لاحظ إننا مش هنكتب درجاتهم العلمية …. و هنا ما ينفعش تحط وآخرين اللى هى et al … لازم تكتبهم كلهم (غير جوه الرسالة )

هنكتبهم كالآتي

Maskell NA, Davies CWH, Nunn AJ, Hedley EL, Gleeson FV, Miller R, Gabe R, Phil M, Rees GL, Peto TEA, Woodhead MA, Lane DJ, Darbyshire JH andDavies JO:

و بعدين هنكتب ال title زى م هو بس هنحط فى الآخر نقطة يعنى
U.K. Controlled Trial of Intrapleural Streptokinase for PleuralInfection.
و بصراحة أنا بفضل إن ال title يبدأ من سطر لوحده بس ممكن تكمله على السطر اللى قبله
و بعدين هنكتب إسم الجرنال و سنته و العدد و الصفحات و نقطة كالآتى
NEJM, 2005; 352:865-874.

و يبقى الشكل النهائى هو
Maskell NA, Davies CWH, Nunn AJ, Hedley EL, Gleeson FV, Miller R, Gabe R, Phil M, Rees GL, Peto TEA, Woodhead MA, Lane DJ, Darbyshire JH and DaviesJO:


U.K. Controlled Trial of Intrapleural Streptokinase for PleuralInfection.
NEJM, 2005; 352:865-874.

ملاحظات


1- بالنسبة لإسم الجرنال اللى أنت جايب منه الورقة البحثية … ممكن يكتب مختصر أو يكتب كامل … بس لو كتبته مختصر لازم طبعاً سعادتك تبقى عارف ده اختصار إيه لأنك ممكن تتسأل
إيه يا إبنى ال NEJM اللى أنت كاتبه ده …. لازم طبعاً ترد زى الفريره
ده يا أفندم
ال New England Journal of Medicine

اوعى تكتب اختصار لحاجه مش عارفها
و الاختصار ممكن يبقى بأكتر من طريقه فمثلاً
NEngl J Med ينفع يبقى إختصار ل
New England Journal of Medicine
بس الصح لو هتكتبه بالطريقة التانيه إنك تحط نقطة ورا كل إختصار يعنى
N. Engl. J. Med.
و طبعاً يا ساده لا يفضل إنك تكتب إختصار لإسم جرنال مكون من كلمه واحدة
مثلاً Chest أو Thorax
فيه بعض أعداد من المجلات بيبقى لها ملحق أو ملاحق Supplement
طيب لنفرض إن سيادتك واخد الورقة البحثية من ملحق تكتب إيه ؟؟
بعد م تكتب عدد الجرنال هتكتب و بين قوسين حرف S و تكتب Capital

مثــــــــــــــــال

لو فى المثال السابق بتاعنا بتاع ال NEJM أنت واخد الورقة البحثية من الملحق تكتب
NEJM, 2005; 352(S):865-874.
ممكن يبقى فيه أكتر من ملحق لنفس العدد فى الحالة دى لازم تحدد رقم الملحق بالأرقام الرومانية …. يعنى مثلاً فى مثالنا السابق هنفرض إنه الملحق رقم 2 للعدد ده …. نكتبها إزاى
NEJM, 2005; 352(S II):865-874.
و أيضاً يمكن كتابة حرف ال S بعد الصفحات
NEJM, 2005; 352:865-874(S).
NEJM, 2005; 352:865-874(SII
2- لو ما عندكش الورقة البحثية بس عندك الملخص بتاعها اللى هو
ABSTRACT
تكتب كلمة Abstract بين قوسين بعد إسم الجرنال
مثــــــــــــال

NEJM(Abstract), 2005; 352:865-874.
ويمكن كتابته بين قوسين فى آخر ال title لكن الأفضل كتابته بعد إسم الجرنال

3- فى عدد الصفحات ممكن تكتب الرقم التانىبشكل مختصر … يعنى هتكتب (من – كاملة) …. لكن (إلى – ممكن تختصرها لآخر رقم) إلا إذا العلامة العشرية إتغيرت يبقى هتكتب آخر رقمين
يعنى فى مثالنا السابق … نفترض إن الورقة البحثية بتاعتنا بتبدأ من صفحة 865 و تنتهى فى صفحة 869 … ممكن تكتبها كاملة أو
NEJM, 2005; 352:865-869.
طيب لو العلامة العشرية إتغيرت (زى م هو الحال فى المثال الأصلي بتاعنا) يبقى فى الحالة دى …. لو هتختصر لازم تكتب آخر رقمين

مثـــــــال

NEJM, 2005; 352:865-74.

المهم أعتقد كده غطينا – تقريباً- كيفية كتابة ال paper كمرجع

ثانيا : لو كان المرجع بتاعنا كتاب


المقصود بكلمة كتاب هنا إنه يكون Textbook من المعروفين و طبعاً فى كل تخصص فيه كتب معروفة …. لكن ممكن الكتاب ما يكونش مرجع كبير بس لازم فى الحالة دى يكون الكتاب بيتكلم عن جزئيه معينه

نبدأ على بركة الله
طبعاً لما هتاخد مقطع من كتاب …. سيادتك هتاخده من فصل من الكتابده …

وهذا الفصل كاتبه واحد أو إثنين …. أو أكتر من إثنين … و كمان الكتاب ممكن يكون له مؤلف واحد أو إثنين أو أكتر من إثنين …..
نكتب المرجع فى الحالة دى بالطريقة التالية
Authors of the Chapter: Title of the chapter. In: Editor(s) of thebook (editor): Name of the book. Edition of the book, publisher (city – countryof publisher); year of publication. Chapter number: pages of the chapter (p orpp from-to).

نفصص الكلام بقى
Authors of the Chapter

اللى كاتب أو اللى كاتبين الفصل ده من الكتاب
ويكتب بنفس طريقة كتابة ال authors اللى قلناها فى ال paper بالضبط.
و طبعاً Title of the chapter
عنوان الفصل اللى فى الكتاب
و بالنسبة ل Editor(s) of the book (editor)
هنا هتكتب إسم مؤلف الكتاب بنفس طريقة كتابة ال author يعنى هتكتب اللقب surname ثم أول حرف من إسمه … و إسم اللى خلفوه (إن وجد) …
مع ملاحظة إنه لو كان واحد يكتب بالطريقة اللى قلنا عليها و يكتب جنب إسمه
وبين قوسين (editor) …. و لو إثنين هيكتب الأول و بعدين الثانى و طبعاً بينهم and و طبعاً هتزود s على editor يعنى (editors)
و لو أكتر من إتنين اللى مألفين الكتاب … هتكتب إسم الأول بس و هتكتب جنبه
وطبعاً بين قوسين (editor-in-chief)
و طبعاً فى Name of the book
هتكتب إسم الكتاب
و برضه فى Edition of the book
هتكتب طبعة الكتاب
كمان فى publisher (city – country of publisher)
هتكتب إسم الشركة اللى طبعت الكتاب و نشرته و بين قوسين هتكتب إسم المدينة (إن وجد) و إسم الدولة اللى الشركة دى فيها
أما year of publication
فدى طبعاً سنة النشر
ثم Chapter number: pages of the chapter (p or pp from-to)
هتكتب فيها رقم الفصل ثم رقم الصفحات … بس كلمة chapter إما تكتب كاملة أو يمكن اختصارها إلى Ch. … و كلمة pages تكتب p أو pp
فمثلاً لو الجزء اللى أخذته كان فى الفصل السابع اللى صفحاته بتبدأ من 350 إلى صفحة 380 يبقى سيادتك هتكتبها بالشكل الآتي
Ch.7350-380.
و طبعاً إختصار الرقم الثانى من الصفحات ممكن بنفس طريقة الورقة البحثية

ثالثا ال Quotation


و زى م قلت قبل كده ده هنستخدمه بحساب قوي
وهنا طبعاً بالنسبة لكتابه جوه الرسالة مفيش أى مشكله هتكتب إسم ال author اللى موجود فى مراجع ال paper اللى معاك و نفس الحال بالنسبة للسنة
لكن لما هتكتبه بره فى ال references برضه هتكتب إسم ال author
أو ال authors اللى موجود فى مراجع ال paper اللى معاك بالطريقة اللى انت عارفها والسنة
و بعدين فى السطر اللى تحت الكلام ده هتكتب
Quoted from:
و تكتب كل بيانات ال paper اللى معاك بالطريقة اللى قلنا عليها قبل كده عادى خالص.

و بكده يبقى تقريباً غطينا معظم جوانب الطريقة ال Alphabetical
بس فيه حته صغيره خالص … بالنسبة كتابة ال References فى ال chapter بتاعه هترتب المراجع تبعاً للترتيب الأبجدى للحروف الأولى من الألقاب surnames ….. يعنى إيه …. فلنفرض مثلاً عندك فى البروتوكول بتاعك 10 مراجع …. بتكتب كل واحد بالطريقة اللى قلنا عليها جوه و بره …. و تكتبهم بره تبعاً للترتيب الأبجدى ABCD …. Etc.

فيه ثلاثة مراجع …. المرجع الأول مثلاً عندك جوه البروتوكول
نفرض إنه Henry هو …. و المرجع التانى Adam و المرجع الثالث Samy
تكتبهم فى الفصل بتاع المراجع إزاى
Adam
Henry

Samy

و طبعاً هتكتب كل واحد كامل
بالنسبة للجزء ده الرسالة … مش البروتوكول …
هيتكتب برضه فى الفصل بتاع المراجع بنفس الطريقة دى …. بس هنحط الحروف نفسها Capital فوق مجموعة المراجع اللى بتبدأ بالحرف ده
مثلاً
A
Adam
Ahmed
H
Hany
Henry
S
Samy
Soliman

و طبعاً يا جماعه بديهى إنك هتكتب الناس اللى تحت الحرف الواحد برضه بالترتيب الأبجدى ….. يعنى تحت حرف ال H مثلاً … Hany تبقى قبل Henry معلش يا جماعه الحته اللى تحتها خط
أقصد تتكتب
NEJM,2005;352:865-9.
و أعتقد إن إنتو فهمتوها من سياق الكلام
و طبعاً النقطة بعد رقم 9 … مش قبل حرف ال N
و هكذا ……..

ثانيا : النظام التانى

و هو ال Numerical أو النظام العددي


و ده شرحه هيبقى سهل جداً و خفيف إن شاء الله
فى هذا النظام لا يوجد أى فرق فى كتابة المراجع بين البروتوكول و الرسالة نفسها
فى النظام العددى هنكتب المراجع بالترتيب ترتيب عرض المراجع
فى داخل البروتوكول أو الرسالة هتكتب الأرقام بالترتيب التصاعدى و كل رقم هيبقى موضوع بين قوسين و بخط سميك Bold
و بعدين بعد ما تكتب الرقم و هو بين القوسين و تجعله Bold و ده طبعاً هيبقى بعد النقطة اللى فى آخر القطعة اللى الرقم ده بيمثل رقم المرجع بتاعها
تظلل الرقم و القوسين و تضغط على Format اللى فى القائمة العلوية بتاع برنامج الكتابة Word … بعد م تفتح قائمة format تضغط على Font … و اللى فيها هتلاقى على إيدك الشمال حاجه إسمها Effects تختار منها superscript و تضغط على ok …. هتلاقى الرقم بتاع المرجع بقى فى أعلى الكلام … و بكده مبروك كتبت المرجع بالطريقه العددية جوه الرسالة أو البروتوكول

طيب هنكتبهم إزاى بقى فى الفصل بتاع المراجع …. هنكتبهم بالترتيب الرقمى اللى موجود داخل الرسالة أو البروتوكول ….. بغض النظر عن ترتيب الحروف … بمعنى ….. لنفرض إن عندك فى البروتوكول 10 مراجع …. رقم 1 هو Henry و رقم 2 هو Adam و قم 3 هو Basem و رقم 4 هو Amin هترتبهم إزاى فى الفصل بتاع المراجع
1- Henry
2- Adam
3- Basem
4- Amin
المهم طريقة كتابة المرجع بره (يعنى فى الفصل بتاع المراجع) …. هى نفس طريقة كتابتها فى النظام ال Alphabetical اللى قلنا عليه قبل كده …. يعنى إذا كانت paper هيبقى نظامها زى م الطريقة ال Alphabetical
اللى هو
Author or Authors:
Title
Journal, year; Journal Volume: from page-topage.
و المرجع المأخوذ من كتاب يكتب أيضاً بنفس طريقة الكتاب فى ال Alphabetica
كذلك الحال فى ال Quotation و ال PersonalCommunication

هنفترض إن سيادتك بتكتب الرسالة بتاعتك فى البيت … يعنى انت اللى بتكتب الرسالة …. مش مكتب كمبيوتر هو اللى بكتبهالك ….
لما تكتب reference جوه ….. إفتح ملف word جديد ل references …. و طلعهم بره (يعنى فى الملف الجديد اللى انت عامله) أول بأول

و بكده نكون خلصنا من قصة ال References سواء كان فى البروتوكول أو الرسالة ….. و مش هتكلم عنها تانى فى الرسالة


ودلوقتي هنتكلم عن

كيفية كتابة ال Introduction بالنسبة للبروتوكول

و كيف تكتب Literature Reviewأو Review of theLiterature بالنسبة للرسالة

و طبعاً بالنسبة لرسائل الماجستير اللى بنظام الEssay

مفيش حاجه إسمها Review of theLiterature لأن الرسالة كلها عبارة عن Review و بالتالي …. فال Review of theLiterature هو كل الرسالة بالنسبة ل Essay لكن لن تكتب فصل بعنوان

Review of theLiterature

هل النقطة دى مفهومه ؟؟؟؟ أعتقد مفهومة

بالنسبة ل Introduction أو ال Review

حجم الكتابة ….. يفضل من 14 (بحد أدنى) إلى 16 كحد أقصى
فونت الكتابة …. كله ينفع …. مع الأفضلية ل Times NewRoman
كل جمله …. أو مقطع …. أو جزئيه ….. أو صوره …. أو جدول …. لازم و لابد و حتماً …. تكتب وراه إسم المرجع اللى سعادتك أخدت منه هذه الجزئية

سواء طبعاً كان بطريقه ال Alphabetical أو اللى Numerical و اللى عادةً بتبقى تبع نظام القسم أو الطريقة اللى بيفضلها المشرف الكبيرعلى الرسالة … (و طبعاً هيبقى النظام واحد من الإثنين …. و لا يمكن أن يكون النظامان معاً فى نفس الرسالة )

و طريقة أخذ جمله أو مقطع من مرجع و وضعه فى الرسالة …. إما أن يكون بنفس نص المرجع بدون أى تغيير فى نصه …. أو بالإقتباس أو ما يعرف بال Citation

و فى حالة الاقتباس فيمكنك تغيير الكلمات بالطريقه التى تراها مناسبة و لكن لابد و حتماً أن تكون بنفس معنى النص الأصلي …. بدون أى لبس أو مواربة

و طبعاً سيادتك هتلجأ للطريقتين مع بعض ….. و مهارتك الأساسية هنا …. إن ربط الجمل و المقاطع المختلفه من المراجع المختلفه …. تكون متجانسة مع بعضها و مكمله لبعضها البعض ….. و أن تجيد عملية ال Articulation بين الجمل و المقاطع المختلفه ….

مع إجادة استخدام أدوات الربط و حروف العطف بمهارة … زى and , while , which , as , ….. etc

طيب بالنسبة للبروتوكول

المطلوب من سيادتك كتابة Introduction فى حدود (من صفحتين إلى ثلاث صفحات) …. و عادةً ما تكون من صفحه و نص إلى صفحتان …. تغطى فيها الخطوط العريضة للموضوع … تمام كده …..
طيب تبدأ منين أو إزاى ….. طبعاً المدخل مهم …. و قد يكون هو أصعب جزء …. لكن الموضوع بسيط جداً ….
دائماً ابدأ بحاجه من اللى هقولك عليها
إما Definition …. أو جزء Anatomy أو Physiology …. أو بجزء History … و طبعاً هتختار حاجه من اللى قلت عليهم دول أو غيرهم (دول اللى فى دماغى دلوقتى) … على حسب موضوعك ….. و ده هيبقى مدخلك للموضوع …. بحيث هتكتب فيه جزئيه أو إثنين … و استثنائيا ثلاثة …. لو كنت هتستخدم أكتر من حاجه من اللى قلتهم … بس كلام فيه المختصر المفيد
و إن كان موضع فيه أكتر من حاجه ممكن تبدأ بيها … فلك الخيار …
بعد كده هتدخل فى صلب موضوع رسالتك …. و هتحط فيه من 3 – 5 مقاطع عادةً …. يعنى مثلاً لو بتتكلم عن مرض معين يبقى هتتكلم عن أعراضه الإكلينيكية و طريقة تشخيصه (إيه الأبحاث المهمة فى الموضوع ده
و بعدين أكيد موضوعك على جزئيه معينه …. هتلقى عليها الضوء …. فى 3-4 أجزاء أخرى …. و أخيره
ماشى يا جماعه ….. و طبعاً الكلام ده مش قرءان …. يعنى ممكن يبقى مختلف من موضوع للتانى …. بس دى الخطوط العريضة من وجهة نظرى
و بكده مبروك عليك ال Introduction
الفن فى ال Introduction إنه على الرغم من إختلاف مصادرك إلا إن اللى يقراه يلاقيه مكمل بعضه بتناسق و تكامل …. و بدون م يحس إن تعدد المصادر فارق فى الكتابة
ملحوظه هامه جداً : إنت ما بتكتبش إن ده Definition أو دى حتة Anatomy و إلا دى History …. لأ طبعاً …. كل ال Introduction بتبقى قطعه واحده على بعضها بدون ما تكتب أمام كل جزئيه ….

ال Introduction الهدف منها إيه ؟؟؟؟
الهدف إن لو فيه دكتور …. فى غير تخصصك …. مسك ال Introduction و قراها …. ياخد فكره عن الموضوع

زملائى الأعزاء


بالنسبة للبروتوكول فى ال Essay فكده خلصناه تقريباً بالإنجليزي … و باقى فيه جزء صغير جداً و هو AIM OF THEWORK
و ده جزء صغير فى كتابته فسوف نذكره مع نفس الجزء فى حالة ال Thesis … أما المراجع فأظن أنها أخذت حقها و زيادة

وصلنا فى كتابة البروتوكول بالنسبة ل Thesis إلى

ثالثا


MATERIALSAND METHODS

و بما إن ال Material بتاعنا فى الطب هو المريض ….. فيمكننا كتابتها
PATIENTSANDMETHODS
و هو ما يعرف إجمالاً بال Methodology
هنا يا جماعه أحب أقول إن كل كلمه هتتكتب فى البروتوكول ستكون ملزمه لك أثناء شغلك فى الرسالة ….
هتبدأ هذه الجزئية بذكر عدد الحالات اللى سيادتك هتشتغلها … و إذا كانوا مجموعه واحده و إلا هتقسمهم لمجموعتين زى ما فى حالات ال

comparativestudies
و إذا كانوا من جنس معين أو فئة عمريه معينة …. مع ذكر ما سوف تقوم سيادتك بدراسته عليهم بالتفصيل الممل فى هذه الجزئية بالذات.
مع ذكر التحاليل و الإشاعات أو أى أبحاث أخرى ستجرى لهؤلاء المرضى و الفترة التى سيتم فيها عمل هذه الأبحاث و هل ستتم مره واحده أم أكثر …. و إذا كان ما سوف يتم عمله للمريض عمليه معينه …. فيجب عليك ذكر أبحاث ما قبل العملية … و طريقة متابعة المريض أثناء العملية …. و التخدير و أدويته …. و طريقة التخدير …. ثم بإستفاضه كاملة خطوات العملية بدايةً من التعقيم و إنتهاءاً بخياطة الجرح ثم نسبة الوفيات أثناء العملية ….. ثم أحداث ما بعد العملية التى ستتابعها ….. و نسبة العجز (إن وجد بسبب العملية ) …. أقصد هنا ال Morbidity ولا أعرف إن كانت ترجمتى لها صحيحة أم لا …. ثم نسبة الوفيات فى Postoperative period ……
و إذا كنت ستعمل على جهاز معين …. فيجب ذكر نوع الجهاز و مواصفاته …. و بلد صنعه …..و إستراتيجية استخدامه على المريض …… إلخ.
أيضاً إذا كنت ستعمل على kits معينه فيجب ذكر تفاصيلها …..
و إذا كانت دراستك دراسة مقارنه comparativestudy فطبعاً من أهم النقاط التى ستتكلم عنها و بإستفاضه …. هى النقاط التى ستقارن بينها فى المجموعتين

ثم ما هى ال Inclusion criteria و هى مواصفات الحالات التى ستعمل عليها و ماهى ال Exclusion criteria التى بسببها تستبعد بعض الحالات و المصابة مثلاً بنفس المرض الذى تجرى عليه الدراسة …. و لكنك سوف تستبعدها أو تستثنيها من دراستك أو بحثك …. بسبب وجود أحد ال Exclusion criteria

…. و عادةً ما يبدأ ال Materials andMethods …. بالجملة الشهيرة
This study (orthesis) includes
و تكتب عدد الحالات …… و إذا كانو مجموعتين two groups ofpatients … و تبدأ بكتابة ما سبق ذكره ….
أنا بس أضع افتتاحيه أقترحها …. لأني عارف إن دايماً أصعب شئ هو البداية

بقى شئ كنت قد نسيت التنويه عنه فى ال Methodology و هو مكان أو أماكن عمل البحث (يعنى هتاخد حالاتك منين و هتشتغل عليها فين) …. و دى طبعاً نقطه مهمة لابد إيضاحها فى البروتوكول
و نصيحتى لك إنك ما تزنقش نفسك فى مكان واحد (ده طبعاً لو كبير المشرفين سمحلك إن شغلك يبقى فى أكثر من مكان …. و إذا لم يفرض عليك أخذ الحالات اللى هيعملها بنفسه

و دلوقتى نبقى وصلنا إلى آخر جزئيه فى كيفية كتابة البروتوكول بالإنجليزي و هى

رابعا


Aim of thework

و هذه جزئيه بسيطة …. ممكن تبدئها بطريقتين …..

إما إنك تدخل مباشرةً فى ال aim of the work … بإنك تكتب ..
The aim ofthis study is to
و طبعاً هتتكلم بإيجاز شديد عن موضوع رسالتك و الهدف منه …..
أو ممكن تبدأ بجملتين أو ثلاثه تستعرض فيهم موضوعك بإيجاز شديد … مثلاً لو فى رسالتك بتتكلم عن جهاز جديد أو تقنيه جديدة أو عمليه جديدة (طبعاً نسبيا) …
أمثله …. مثلاً لو بتتكلم عن جهاز جديد انت هتشتغل عليه ممكن تبدأ ب…
The revival ofthe use of the ……. hasoffered…..

و لو بتتكلم عن عمليه جديدة انت بتقارنها بعمليات تانيه لنفس المرض ممكن تبدأ ب …
…. offers an alternative surgical approachto …

و طبعاً مكان النقط اللى فى الأول هتحط إسم العملية الجديدة و فى مكان النقط الثانية هتحط إسم المرض الذى يعالج بهذه العملية
… ثم تنهى بعد كده بثلاث أو أربع جمل هتبدأهم برضه ب ….
The aim ofthis study (or work) is to ……..
طيب اللى فات ده كان بالنسبه ل Aim of the work (orThesis)

فى حالة م تكون رسالتك Thesis ……
طيب لو كانت رسالتك ماجستير Essay تكتب ال aimof the work إزاى؟؟؟؟؟
طبعاً هنا الموضوع أسهل بكتير …. و شبه Standard ……
يعنى ممكن تبدأ ب
The aim ofthis work (or essay) is to through some lights on …..
and to explorethe new techniques (or approaches or uses or …etc)
و طبعاً كل واحد هيختار ما يتناسب مع موضوع رسالته من الجمل اللى بين القوسين … و طبعاً مفيش فى جزئية ال aim of the work أى مراجع و لا حاجه ….. و دى غالباً بتبقى فى حوالى نص صفحه أو أقل
و بكده نبقى خلصنا البروتوكول الإنجليزي ….. و طبعاً بالنسبه للمراجع فأعتقد إننا إتكلمنا عنها بما فيه الكفاية

نيجى بقى للملخص العربى


و ده بيشمل …. الغلاف العربى …. و المقدمة ….. و الهدف من الرسالة …. ده
بالنسبه ل Essay

أما بالنسبه ل Thesis فيشمل
الغلاف العربى …. و المقدمة …. و المريض و الطريقة أو المرضى و الطرق … و الهدف من الرسالة

و لا تكتب المراجع …. لا داخل الرسالة و لا فصل مستقل

بالنسبه للعلاف العربى فقد تم الحديث عنه سابقاً …….
بالنسبه للمقدمة …. فتكتب فيها ملخص ما كتبته فى ال Introduction الإنجليزي بعد ترجمته …. ترجمه مترابطة عربياً و ليس ترجمه حرفيه …. بشرط أن لا تخل بما يحويه ال Introduction الإنجليزي من معانى …. و غالباً ما يتمون من صفحه إلى صفحه و نصف ….


هناك من يشترط ترجمة كل ال Introduction الإنجليزي …. ترجمه شبه حرفيه مع عدم الإخلال بترابط و تناسق الكلام باللغة العربية (الدراسات العليا فى عين شمس هو ده نظامها) أو كان هو ده نظامها و أعتقد إنه لسه بالطريقه دي ….
بالنسبه ل المرضى و الطرق أو المريض و الطريقة ….
دى هتترجم كلها للعربية ….. لأن ده هيبقى شغلك اللى هتعمله فى الرسالة …. و طبعاً ترجمتك مش هتبقى حرفيه …. لكن كل ما كتب بالإنجليزي سوف يترجم إلى العربية
بالنسبه للهدف من الرسالة ….. هتترجم ما كتبته فى ال aim of the work …. ترجمه شبه حرفيه …. لكن طبعاً مع عدم الإخلال بترابط و تناسق الكلام باللغة العربية

فيه نقطه مهمة جداً جداً ….. و نسيت أقولكم عليها فى البروتوكول ….. و لابد من ذكرها فى أول الPatients and Methods ….. طبعاً فى رسائل الThesis

و دى هتتكتب فى أول جمله فى الPatients and Methods …..


إيه هى الكلمة دى؟
لازم تحدد إن الشغل اللىفى الرسالة هل هو
Prospective studyولاRetrospective study
يعنى أولجمله هتتكتب فى الPatients and Methodsهى
This is a prospective study ……….
أو
This is a retrospective study …….

طيب يعنى إيه كل واحد منهم وإيه الفرق ما بينهم ؟
بالنسبه لProspective study …. يعنى سيادتكهتشتغل على حالات أو جهاز أو الإثنين معاً … أو على مرض معين ….. أو عمليهمعينه …. و بعدين المفروض إنك هتطلع من الشغل ده بنتائج …. و هيتعمل إحصاءللنتائج اللى هتطلع دى..

بينما فى الRetrospective study ….. سيادتكمش هتشتغل حالات و لا حاجه … لكن هتجمع معلومات عن حالات إتعملت خلاص و تشوفالنقطة اللى رسالتك بتتكلم عليها …. و تعمل إحصاء عن الحالات دى فى النقطة اللىرسالتك بتدور حولها ….. يعنى من الآخر …. بترجع للوراء مش بتطلع لقدام

طيب إيه الفرق؟؟

طبعاً الRetrospective studyأسهل بكتير …. لا مشبس كده … دى الرسالة تعتبر خلصانه من قبل ما تبدأ …. خصوصاً لو كان القسم اللىهتشتغل فيه أو تاخد منه الحالات بتاعتك مسجل بيانات المرضى على الكمبيوتر …. يعنىمن الآخر الرسالة بتبقى عبارة عن إحصاء فقط
بينما فىProspective studyهتشتغل حالات …. و بعدين تعمل الإحصاء برضه


و زى ما قلتلكم يا جماعه قبل كده

بالنسبه للإحصاء في غالباً بتدى الماستر شيت بتاعك لحد من بتوع الإحصاء أومن دكاترة الصحة العامة … و هم بيقوموا بالمهمة الصعبةدى

بالمناسبة يا جماعه بالنسبه لطرقة كتابة الThesisفى الماجستير أوالدكتوراه ……. واحده
اللى بيفرق …. إن غالباً موضوع الدكتوراه بيبقى أصعبو عدد الحالات أكتر ……

و طبعاً ده برضع بيعتمد على حاجات تانيه ….. زىمثلاً انت جوانى و لا برانى ….. مرضى عنك و لا من المغضوب عليهم …. و أكيدانتو فاهمنى


و بكده يا جماعه يبقى الحمد لله خلصنا البروتوكول و عقبال ما نخلص الرسالة إن شاء الله

و أتمنى من الله أن أكون وفقت فى تبسيط كيفيةكتابة البروتوكول و مرة تانية و تالته و عاشرة يا جماعة …. لابد منمراجعة ما قلته هنا مع مشرفك الكبير أولاً …. و إذا إقترح عليك حاجه غير اللى أناقايلها هنا طبعاً هتنفذ كلامه هو

خامسا

كتابة الرســـــــــالة

كنت قد تحدثت عن كيفية كتابة البروتوكول للرسالة

دلوقتي نبدأ فى كيفية كتابة الرسالة نفسها و هناك الكثير من الأجزاء سأطلب منكم الرجوع فيها إلى البروتوكول
فى البداية يا جماعه هتكلم على الخطوط العريضة للرسالة
بالنسبه لحجم خط الكتابة فيفضل أن يكون من 14 إلى 16 … و نوع الخط المستخدم عادةً هو Times New Roman

بالنسبه لحجم الرسالة ككل – و المقصود هو عدد الصفحات – فقد أصبح هناك شبه إجماع على تقليل عدد صفحات الرسائل سواء كانت ماجستير أو دكتوراه …. لكن تقليل عدد الصفحات الغرض منه هو إزالة الحشو و كتابة المفيد فقط …. فمثلاً
بالنسبه لرسالة الماجستير من نوعية ال essay فالحجم المقبول هو 70 إلى 100 صفحه ….
و بالنسبه لرسالة الماجستير من نوعية ال thesis فالحجم المقبول هو من 80 إلى 100 صفحه …..
أما رسالة الدكتوراه فالحجم المقبول هو من 100 إلى 120 صفحه و بحد أقصى 150 صفحه….
و لم يعد من المقبول الرسائل الضخمة و التى كانت معظم الرسائل سابقاً تقع فى حوالى 200 إلى 300 صفحه ….
و بالطبع فهناك استثناءات لعدد الصفحات التى ذكرتها سابقاً …


فإذا كان موضوع الرسالة يستدعى الزيادة عن ما ذكرته سابقاً من عدد الصفحات مع عدم وجود حشو لا فائدة منه …. فلا مانع … بل يجب أن يزيد عدد الصفحات طبقاً لما يقتضيه استيفاء البحث …..

المثال الثاني



لحالة زيادة عدد الصفحات عما ذكرته سابقاً …. هو أنه مازال هناك بعض كبار الأساتذة – و أتكلم هنا عن المشرفين طبعاً – لم و لن يتغير صورة الرسالة فى فكره عن عدد كبير من الصفحات

هانتكلم دلوقتي عن

كتابة رسالة الماجستير بنظام المقالة أو ال essay
فى هذا النوع من الرسائل يجب فى البداية كتابة فصل أو إثنين و أحياناً ثلاثه عن العلوم الأساسية و التى يدور حولها الموضوع ….. بمعنى …. مثلاً لو كانت الرسالة عن عمليه معينه …. هنكتب فصل عن تشريح هذه المنطقة … و فصل عن وظيفة العضو الذى سيدور الموضوع حوله خاصةً إذا كان عضو له أهميه فسيولوجيه خاصة مثل الغدد …. و فصل عن الباثولوجى الخاص بالمرض الذى تدور حوله الرسالة … أو الأمراض التى تدور حولها الرسالة …..

ثم فصل عن كيفية أعراض المرض و طرق تشخيصه و الأبحاث و الإشاعات المختلفه اللازمة للوصول إلى التشخيص ……
ثم نسهب فى فصل العلاج الجراحى مع التركيز و الإسهاب الشديد فى العملية التى يدور حولها موضوع البحث مع فصل للمشاكل و المضاعفات التى قد تنتج عن هذه العملية … مع مقارنة هذه العملية مع العمليات الأخرى لنفس المرض من حيث النتائج و مدة بقاء المريض بالمستشفى و نسبة الوفيات و العجز إن وجدوا … و ذلك للخروج من البحث بنتيجه …. و قد تكون هذه النتيجة مع موضوع البحث أو ضده – لا يهم – بل بالعكس إذا خرجنا بنتيجه سلبية فهذه أيضاً نتيجة تحترم جداً …
و قد يتساءل البعض يعنى إيه نتيجة سلبية ؟؟؟؟ و فى أى فصل يتم كتابة ذلك ؟
النتيجة السلبية هى أن نخرج من البحث بأن هذه العملية الجديدة لا تحمل نتائج أفضل من سابقاتها و قد تكون أكثر كلفه و ينصح بعدم اللجوء إليها إلا فى حالات معينه

أما فى أى فصل يتم كتابة ذلك …. ففى فصل خاص يسمى Summary أو conclusion و يمكن كتابته Summary andconclusion

و هو الهدف من أى رسالة سواء كانت essay أو thesis



أما كيفية كتابة الجمل فى الرسالة و طريقة ربطها ببعض … فهى نفس الطريقة التى تم كتابة البروتوكول بها ….. و قد تم شرح ذلك بالتفصيل الممل سابقاً ..

أيضاً كيفية كتابة المراجع فهى نفس طريقة كتابة المراجع فى البروتوكول تماماً
يجب ملاحظة أنه فى حالة كتابة الرسالة من نوع المقالة ….. لابد أن تذكر مصدر أو مرجع كل جمله من بداية الرسالة إلى نهايتها …. و غير مسموح لك إطلاقاً إبداء أى رأى …. اللهم إلا فى جزء من ال conclusion أو ال Summary

و بعد إتمام الرسالة و بعد الغلاف مباشرة تخصص صفحه للشكر

Acknowledgment
ثم صفحه أو أكثر للاختصارات الموجودة بالرسالة – أى اختصار حتى و لو متداول
List of abbreviations
ثم صفحه أو أكثر لل
List of tables
ثم صفحه أ كثر لل
List offigures

و فى قائمة الجداول و الصور يتم كتابة رقم الجدول أو الصورة …. و كتابة رقم الصفحة الموجود بها الجدول أو الصورة

ملحوظه هامه : فى حالة وضع صوره أو جدول … لابد من كتابة مصدر أو مرجع الصورة أو الجدول و يتم كتابته أسفل الصورة أو الجدول بنفس طريقة كتابة المراجع و التى سبق الحديث عنها فى البروتوكول ….. مع وضع الوصوف الكامل للمرجع فى فصل المراجع – زى أى مرجع بعد فقره تم كتابتها داخل الرسالة-
و بكده نكون تقريباً إنتهينا من الخطوط العريضة لكيفية كتابة الرسالة من نوع المقالة



أما لماذا الاتجاه الحالى للإقلال من عدد صفحات الرسالة فله عدة أسباب منطقيه جداً …. و هو …. الابتعاد عن الحشو الذى لا فائدة منه …. التيسير على المشرف فى متابعة و قراءة البحث بالكامل دون أن يكلفه ذلك الكثير من الوقت و الذى قد يؤدى فى كثير من الأحيان إلى عدم قراءة المشرفين …. أو إعطاءهم فرص متتالية لقراءة البحث و فى الحالتين فإن الطالب غير مستفيد ….. و أيضاً فالعدد الأقل من الصفحات سيمكن المناقشين – أو ما يعرف بلجنة الممتحنين – من قراءة الرسالة فعلياً و التعليق أساساً فى هذه الحالة سيكون على المادة العلمية – و طبعاً هو الأكثر فأئدة – بدلاً من محاولة تصيد بعض الأخطاء اللغوية و النقطة و الفاصلة – و الذى قد يكون نتيجة عدم قراءةً الرسالة كاملةً من قبل بعض المناقشين – و فى هذه الحالة لن يعلق كثيراً على المادة العلمية و ذلك لسبب بسيط و هو أن السؤال الذى قد يسأله من الممكن جداً أن يكون صاحب الرسالة أجاب عنه فى الرسالة فى الصفحات التى لم يقرأها المناقش …..
عموماً يجب مراجعة خطة الرسالة كاملة مع المشرف الرئيسي قبل البدء فيها …. و إذا لم يطلب مدى محدد من الصفحات فيمكن الأخذ بما ذكرته سابقاً


بالنسبه لرسائل ال thesis …. ففيه جزءين فى هذه الرسالة و هما جزء ال review و هذا الجزء لا يجب أن يزيد حجمه عن 1/3 – ثلث – حجم الرسالة …. و الجزء العملي اللى فيه شغلك يمثل الباقى ……

انتهــــــــــــــــــــــــي

Related Keyword terms:

,طريقة abc لكتابة المراجع,طريقة كتابة المراجع بلحروف الابجدية,كيف ابدأ رسالة الماجستير,كيف ابدا برسالة الماجستير,بحت حول جهاز ecg,mb bchماهو الاختصار,m b b ch اختصار ايه,كيف ابدا بعمل ماجستير,كيف ابدا بكتابة رسالة ماجستير,كيف ابدأ كتابه رسالة الماجستير

share save 171 16 كيف تحضر رسالة الماجستير أو الدكتوراه (اضافة لموضوع التسجيل)

]]> http://www.medcastle.com/%d9%83%d9%8a%d9%81-%d8%aa%d8%ad%d8%b6%d8%b1-%d8%b1%d8%b3%d8%a7%d9%84%d8%a9-%d8%a7%d9%84%d9%85%d8%a7%d8%ac%d8%b3%d8%aa%d9%8a%d8%b1-%d8%a3%d9%88-%d8%a7%d9%84%d8%af%d9%83%d8%aa%d9%88%d8%b1%d8%a7%d9%87.html/feed 1 الجزء الرابع من سلسلة مستقبــــل الطبيب (التسجيــــــــــل) http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b1%d8%a7%d8%a8%d8%b9-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%84-%d8%a7%d9%84%d8%b7%d8%a8.html http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b1%d8%a7%d8%a8%d8%b9-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%84-%d8%a7%d9%84%d8%b7%d8%a8.html#comments Fri, 18 Sep 2009 20:38:20 +0000 Mostafa Elbehery http://www.medcastle.com/?p=6362 إخواني وأخواتي الأطباء والطبيبات

السلام عليكم ورحمة الله وبركاته

النهاردة موعدنا من الجزء الرابع من سلسلة

مستقبــــل الطبيب

وهو
التسجيــــــــــل



هو التقديم للالتحاق لدراسة الماجستير أو الدبلوم في تخصص ما بكليات الطب

يوجد أكثر من هيئة تقوم بالتسجيل للأطباء المقيمين حسب مكان العمل وهم كالآتي :

أولا


تسجيل وزارة الصحة

ميعاد حركة التسجيل

أول شهر أبريل من كل عام

شـــــروط التسجيل

1- أن تكون طبيب مقيم في تخصص معين واخد فيه نيابة ومستلم العمل فيه


2- أن يكون مضي عليك سنة مدة عمل فعلية في النيابة أو ست شهور لو واخد تخصص ملح بس بصراحة الشرط ده مش بيطبق يعني أنا ليا ناس أصحابي كتير أوي استلموا النيابة النهاردة وبعد أسبوع ظهرت حركة التسجيل واتقبلوا عادي .

3- مش هاينفع تسجل في تخصص غير التخصص اللي واخد فيه نيابة .

4- أوقات الجامعة بترفض تسجيلك لو عليك جزاءات لأنه المفروض أثناء
التقديم للتسجيل ما تكونشي واخد جزاءات لمدة تلات سنين فاتوا أو سنتين علي الأقل .

5- أوقات برده يرفضوا تسجيلك في الجامعة لو كان تقرير الكفاية بتاعك في
السنتين الأخيرتين أقل من جيد .

إجــــــراءات التسجيل

1- لما يتم الإعلان عن حركة التسجيل تروح إدارة التدريب في المديرية اللي انت تابع ليها وتقرا عندهم الحركة وتاخد منهم ورقتين
ورقة تعهد كفيل وورقة تانية بيتكتب فيها الرغبات .

ورقة الكفيل

تخلي واحد من زمايلك يمضيلك انه هو الكفيل بتاعك وتخلي اتنين تاني يمضوا علي انه الكفيل مش مرشح للسفر للخارج وانه بياناته صحيحة .
ورقة الرغبات

فيه بيانات بتملاها انت وفيه بيانات تملاها المديرية والإدارة
البيانات بتاعتك

- مطلوب فيها اسم الدراسة المطلوب الالتحاق بيها يعني ماجستير ولا دبلوم ممكن تكتبين رغبتين مختلفتين زي ماجستير ودبلوم أو العكس أو ممكن تكتب ماجستير ما جستير أو دبلوم دبلوم .
- بعد كده مطلوب تملا تلات رغبات لتلات جامعات اللي ترغب الالتحاق للدراسة بواحدة منهم وتكتبهم بالترتيب حسب رغبتك وخلي بالك من أول رغبة .
بيانات الإدارة

بعد ما تملا الرغبات بتاعتك دي وتملا بقية البيانات المطلوبة منك تطلع علي الإدارة بتاعتك تملا منها بيانات إذا كان فيه إجازة بدون مرتب أم لا وتملا منها برده خانة الجزاءات وتملا منها خانة تقرير الكفاية مع انه دي ممكن من المديرية
بيانات المديرية

بعد كده تطلع علي المديرية تملا من عندهم بيانات التكليف وبيانات حركة النيابة بتاعتك وبيانات الوحدة الصحية اللي كنت فيها
2- بعد كده تروح إدارة التدريب وتكون واخد معاك :
- ورقة الرغبات دي وورقة تعهد الكفيل .
- صورة طبق الأصل من شهادة البكالوريوس .
- صورة طبق الأصل من شهادة التقديرات .
- صورة طبق الأصل من شهادة الامتياز .
- صورة طبق الأصل من شهادة الميلاد .
- صورة طبق الأصل من شهادة التجنيد .
- صورة البطاقة الشخصية .
- دمغة بحوالي أربعة جنيه .
- ملف يتحط فيه الورق ده .

هاتروح هناك هاتراجع الورق مع الموظف المختص وهايدور علي اسمك علشان يشوفك مسجل أبل كده في أي حركة تسجيل أو إذا كنت مسجل في الزمالة أو لا وبعد كده تمشي .

3- المديرية هاتبعت الورق ده للوزارة والوزارة هاتبعت للجامعات .

4- في شهر سبتمبر أو أكتوبر هاتظهر نتيجة التسجيل وهايبعتوا في المستشفي انه ظهرت النتيجة بعدها هاتروح إدارة التدريب بالمديرية وتعرف منهم انت التحقت بأنهي جامعة وهايدوك جواب مهمة لمدة أسبوع تطلع علي الوزارة ومنها علي الجامعة علشان تروح تقدم الورق بتاعك ووقتها بيكونوا عاوزين ورق أصول مش صورة طبق الأصل وغالبا بيكونوا نفس الورق اللي فوق ضيف إليها كام صورة شخصية بالإضافة إلي رسوم التسجيل ودي بتختلف من جامعة للتانية وبتختلف من دبلوم إلي ما جستير بس طبعا رسوم التسجيل للماجستير أغلي من الدبلوم .

5- قبولك في أي قسم من أقسام أي جامعة بيكون علي أسس عامة بتحطها الجامعة وشروط خاصة بيحطها القسم زي التقدير العام تقدير مادة التخصص .

تنبيهــــــــــات هامة

1- أبل ما تكتب رغباتك اسأل علي القسم اللي عاوز تلتحق بيه وشوف نظامه إيه والرسالة بتاعته إيه نوعها وامتحان الفيرست بيكون امتي وامتحان السكاند امتي
اسأل علي كل حاجة تخص التسجيل بالدبلوم أو الماجستير في القسم نفسه وممكن تلاقي لائحة الكلية في التسجيل لأنه كل جامعة ليها شروط ولوائح بس برده في الآخر كل قسم وبيكون له سياسته ونظامه .

2- لو فرض انك واخد جزاء تشوف هل الجزاء ده مر عليه أكتر من ست شهور
لو مر عليه أكتر من ست شهور يبقي المفروض انه يتشال لأنه أي جزا المفروض انه بعد ست شهور الإدارة تبعت للمديرية علشان يدخل لجنة ويتشال عنك لو ما اتشالشي يبقي بسرعة حاول تخلي الإدارة تبعته للمديرية وهناك في المديرية يدخل لجنة علشان يتشال ولو رفضت الإدارة إرسال الجزاء للمديرية علشان يتشال عنك هددهم انك هاتشتكيهم في النيابة الإدارية لأنه ده شغلهم والمفروض كانوا رفعوا الجزاء لوحدهم بعد ما مر عليه ست شهور أما لو كان مر عليه أقل من ست شهور مش هاتقدر تشيله وساعتها هايتكتب في الورق بتاعك
وممكن لو عليك جزا وليك علاقة حلوة مع الموظف بتاع الشئون القانونية ما يكتبشي انه عليك جزا أساسا .
3- يكون أفضل لو كنت تعرف واحد زميلك أو صاحبك أخد دبلوم أو ما جستير في نفس القسم ونفس الجامعة اللي جالك فيها التسجيل علشان تقدر تعرف منه كل حاجة عن القسم والأسئلة ونظام الامتحان والكتب اللي بيتذاكر منها وكل حاجة .

4- يكون أفضل لو سجلت في قسم بيسمح انك تاخد نايب زاير عنده بس بشرط يكون النايب الزاير بيشتغل زيه زي النايب العادي لأنك بعد الفيرست ممكن تعمل تفرغ من وزارة الصحة وتروح تشتغل نايب زاير في القسم وبكده تقدر تاخد السكاند وتناقش الرسالة بتاعتك بسلام وبسرعة لأنك هاتتعرف علي الاستاف كله والمفروض انه علاقاتك تكون حلوة معاهم وماتعملشي مشاكل وفي نفس الوقت تتطحن نفسك شغل علشان تتعلم كويس .

5- إيه قصة التفرغ ده : معناه انك لو مسجل ماجستير تقدر بعد الفيرست تقدم علي تفرغ من وزارة الصحة ( اجازة ) بحيث المرتب بتاعك وحوافزك يتصرفوا عادي من وزارة الصحة وما تشتغلشي أي حاجة إلا إذا كنت عاوز تعمل زاير تروح تقدم في الكلية وفي القسم بتاعك علي نايب زاير لو كانوا بيقبلوا نظام الزاير أو تقدم زاير في أي مكان تاني لو مش بيقبلوا زاير في المكان اللي انت مسجل فيه
والتفرغ ده لمدة سنة أو سنة ونص بالكتير حسب موافقة وزارة الصحة وموافقة الجامعة .

6- فيه جامعات بتطلب منك نسبة حضور معينة ولو اتعديت النسبة دي مش هاتقدر تدخل الامتحان خصوصا في امتحان السكاند وفيه جامعات مش بدقق علي الحضور بس عامة لو الفيرست مش محتاج حضور أوي لكن السكاند لازم الدكاترة يشوفوك .

7- مش هاتقدر تغير التخصص اللي انت مرشح ليه بمعني انك كاتب نسا مثلا مش هاتقدر تخليها عظام لكن تقدر تغير من ماجستير إلي دبلومة والعكس بعد موافقة الكلية .

8- مش هاتقدر تسجل لو انت مسجل في الزمالة المصرية أو كنت خارج مصر أو مكنتش علي قؤة العمل بس فيه ناس زمايلنا سجلوا أبل ما سافروا ونزلوا امتحنوا والمديرية طبعا مش عارفة إنهم مسجلين

9- لو فرض انك اعتذرت عن التسجيل هاتتحرم من التقديم للتسجيل لمدة تلات سنوات إلا إذا كان اعتذاراك حاجة من اتنين مرافقة زوج أو رعاية طفل بشرط موافقة الكلية .

10- تقدر تاخد اجازة أبل الامتحانات بشويه وتاخد اجازة أثناء الامتحانات ودي معترف بيها واسمها اجازة امتحانات وانت بتظبت نفسك مع زمايلك النواب في القسم ومع مدير المستشفي .

11- لو انت مثلا من سوهاج ومسجل في عين شمس تقدر تعمل انتداب لأقرب مستشفي صحة في القاهرة لتسهيل الحضور في الكلية وتسهيل الدراسة وممكن تحضر تعمل حاجة اسمها تسهيل دراسة بمعني انك تحضر تلات أيام في الجامعة وتلات أيام في الصحة

12- الكلية بتديك أكتر من فرصة لدخول الامتحان بمعني انك لو سقطت ممكن تدخل الامتحان تاني وغالبا تالت . وممكن كمان تأجل الامتحان بتاعك لأنه الامتحانات في أغلب الكليات بيكون في أبريل وفي أكتوبر ولو سقطت في مادة في الفيرست ممكن تدخلها في الدور اللي بعده ما عدا جامعة الأزهر لو سقطت في مادة بتعيد كل مواد الفيرست .

13- ممكن تاخد اجازة بدون مرتب بعد أول سنة من التسجيل دا لو انت مسجل دبلومة أما لو مسجل ماستر يبقي ممكن تاخد اجازة بدون مرتب للدراسة بعد ما يخلص التفرغ والإجازة دي هاتمتد لأقرب دور هاتدخل فيه الامتحان .

14- لو ظهرت حركة التسجيل وحبيت تغير الجامعة اللي اتقبلت فيها ده ممكن بس بموافقة الجامعتين اللي قبلتك واللي رايحلها لأنه أوقات أقسام بترفض

15- لو حصل انه مفيش رغبة من الرغبات التلاتة جاتلك يبقي تروح الوزارة وتختار جامعة معينة والوزارة تديك جواب تروح بيه الجامعة وتستني لحد ما تعرف القسم قبلك ولا لأ


16- طب الأزهر بيشترط عليك انك تمتحن فيه مواد شرعية ضمن الفيرست .

17- جامعة قناة السويس بتسمح بتسجيل الماجستير أو الدبلومة للي يمر عليه ست شهور في التكليف أو النيابة

18- علشان تدخل الفيرست بتتطر انك تستني ست شهور يعني هاتتقبل في شهر أكتوبر مثلا وهاتدخل الفيرست في أبريل وأغلب الجامعات بتعمل كده لكن فيه جامعات زي جامعة أسيوط بتدخل الفيرست بعد مرور سنة من التسجيل يعني تسجل في أكتوبر وتدخل الفيرست في أكتوبر اللي بعده .

19- لازم تلف علي الأقسام علشان تعرف الكوريكيولم ( المقرر ) بتاع الفيرست لو مسجل ماجستير أو دبلومة حديثة وما تعتمدشي علي كوريكيولم بتاع سنة أبلها لأنه الأقسام تضيف حاجة أو تشيل حاجة .

20- لو انت مسجل ماجستير أو دبلومة حديثة هاتدخل السكاند بعد مرور سنة
من الفيرست أو ممكن سنة ونص في بعض الجامعات ولو مسجل دبلومة
قديمة في شهر أكتوبر مثلا يبقي هاتمتحنها في أكتوبر اللي بعده امتحان واحد


21- لو مسجل ماجستير فيه جامعات بتبدأ فيرست وبعد كده سكاند بعد كده رسالة وفيه جامعات تانية فيرست وبعد كده رسالة بعد كده سكاند .

22- فيه جامعات الرسالة بتاعتها عبارة عن مقالة ( essay ) ودي أسهل نوع
وفيه جامعات تانية الرسالة بتاعتها ( Thesis ) وفيه أوقات أقسام بتخلي الرسالة بتاعتها حاجة اسمها (**** analysis ) حسب سياسة كل قسم .


23- بالنسبة للدبلومة فيه نوعين من الدبلوم :


*دبلومة حديثة : دي بتتكون من جزئين فيرست وسكاند ونفس امتحانات الماجستير بالظبط لدرجة انه اللي بيمتحن ماجستير بيكون جنبك في الامتحان
بس اللي يفرقها عن الماجستير انه مفيهاش رسالة ولو حبيت بعد ما تخلصها
تخليها ماجستير يبقي تحضر رسالة وبس وبكده تبقي الدبلومة دي ماجستير .
والدبلومة دي هاتلاقيها في عين شمس وبنها وشبين وجامعات أخري .
* دبلومة قديمة : ودي جزء واحد بس وان شون ومش هاينفع تخليها ماجستير ودي هاتلاقيها في جامعة أسيوط وجامعات أخري .

ثانيا


تسجيل الطبيب الحر

كلمة طبيب حر للأطباء اللي استقالوا من وزارة الصحة


الأطباء دول يقدروا يسجلوا في أي وقت لما الجامعة تفتح باب التسجيل وعلشان يسجل لابد يقدملهم الآتي :
- شهادة إلغاء التكليف ( قرار الاستقالة ) ودي بتطلع من الوزارة ( أصل )
- شهادة طبيب حر من النقابة ( أصل )
- بطاقة شخصية يكون مكتوب فيها الوظيفة طبيب حر
- إضافة اللي باقي ورق اللي قولناه فوق .

ثالثا

تسجيل الشرطة والحربية والتأمين وباقي الهيئات

الهيئات دي عندهم نواب وبيخلوهم يسجلوا بسرعة تقريبا في أول حركة تسجيل بتنزل يقدروا يسجلوا أو بعد ست شهور من استلامهم العمل أهم حاجة موافقة جهة العمل بتاعتهم

مواعيد التسجيل لأشهر كليات الطب في مصر


القصر العيني

التسجيل في القصر العيني بيفتح في شهر سبعة من كل عام لمدة شهرين والفيرست بيكون في أبريل اللي بعده ولو انت مسجل ماجستير القصر العيني في الغالب كل الأقسام بتشترط عليك انك تاخد عنهم نايب زاير عندهم بعد الفيرست

عين شمس

التسجيل بيكون مرتين في السنة مرة في شهر سبعة من كل عام لمدة شهر لو انت مسجل ماجستير يبقي الفيرست بيكون في أبريل والمرة التانية في شهر نوفمبر من كل عام لمدة شهر والفيرست بيكون في أكتوبر

طب الأزهر

التسجيل بيكون مرة واحدة في السنة في شهر سبتمبر من كام عام

طب الإسكندرية

التسجيل بيكون مرتين في السنة مرة في أغسطس ومرة في نوفمبر

طب أسيوط


التسجيل بيكون في أبريل وأغسطس من كل عام

طب الزقازيق


التسجيل بيكون في شهر أغسطس من كل عام

طب شبين الكوم

التسجيل مرتين في السنة مرة في شهر أبريل ومرة في شهر أكتوبر

ملاحظة مهمة :


مواعيد التسجيل للكليات ممكن يتغير بس إحنا قؤلنا اللي ماشي اليومين دول في الكليات دي لأنه كل سنة وليها ظروفها .

نبذة عن

التسجيل اليجال ( الغير قانوني )

وده بيتم بكذا طريقة


- أول طريقة : انك تضرب شهادتين ( مزورين ) واحدة بتاعة الاستقالة وواحدة بتاعة النقابة وبذلك تبقي طبيب حرة وتقدم في أي جامعة كطبيب حر بس 99 % من الجامعات واخدين بالهم من الموضوع ده اليومين دول ومش بيقبلوا أي حد كده وخلاص وأوقات كتير بيبعتوا للنقابة علشان يتأكدوا انك طبيب حر ولو كشفوك هايلغوا التسجيل بتاعك ولو مشيوا رسمي ممكن تتهم بالتزوير وتحاسب قانونيا .

- تاني طريقة : كانت عن طريق موظفين في الوزارة بالرشوة بحيث يضيف اسمك في قائمة الأسماء اللي رايحة الجامعات بس الموظفين دول اتقفشوا واتحولوا للتحقيق وبطلوا يعملوا الموضوع ده .


بالنسبة لحرمانية التسجيل بهذه الطرق أنا ما اعرفشي مدي حرمانيتها بس احساسي بيقؤلي إنها حرام أقل حاجة علشان التزوير والغش وتاني حاجة علشان الرشوة

طبيب زاير

معناه انك تشتغل في قسم معين في مستشفي جامعي بحيث تدفع رسوم سنوية أو شهرية نظير شغلك في القسم وفيه أقسام في جامعات النايب الزاير بيشتغل نفس شغل النايب الأساسي وفيه أقسام تانية النايب الزاير مش زي النايب الأساسي في حجات كتير وممنوع عليه حجات كتير وفيه أقسام في جامعات بتشترط في التسجيل انك تاخد عندهم زاير وفيه أقسام تانية في جامعات كتير مش بتقبل زاير أساسا

مثال لإجراءات النايب الزاير في عين شمس
بتروح شئون الأطباء مستشفي الباطني الدور التاني(علوى)تاخد استمارة فيها بياناتك اسمك وتخرجك
فيها جزء بموافقه رئيس القسم و مدير المستشفي وتروح تمضيهم وتدفع 400ج مصاريف اداريه و200ج عن كل شهر الأولي في المستشفي والتانيه للقسم

وتاخد معاك

شهادة التخرج
شهادة الامتياز
شهاده الطبيب الحر

أو

موافقة جهة العمل
أو
إجازة

التقديم من يوم 1 إلي يوم 20 في الشهر

Related Keyword terms:

,الطبيب الحر وتسجيل الدكتوراة,شهادات الطبيب الحر للتسجيل,شهاده الطبيب الحر,موعد تسجيل دكتوراة طب الازهر,وزارة الصحة وتسجيل الدكتوراه

share save 171 16 الجزء الرابع من سلسلة مستقبــــل الطبيب (التسجيــــــــــل)

]]> http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%b1%d8%a7%d8%a8%d8%b9-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%84-%d8%a7%d9%84%d8%b7%d8%a8.html/feed 0 الجزء الثالث من سلسلة مستقبل الطبيـــب (النيابــــــــات) http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ab%d8%a7%d9%84%d8%ab-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%84-%d8%a7%d9%84%d8%b7%d8%a8%d9%8a%d9%80%d9%80%d9%80.html http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ab%d8%a7%d9%84%d8%ab-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%84-%d8%a7%d9%84%d8%b7%d8%a8%d9%8a%d9%80%d9%80%d9%80.html#comments Thu, 17 Sep 2009 20:30:43 +0000 Mostafa Elbehery http://www.medcastle.com/?p=6355

بسم الله الرحمن الرحيم

إخواني وأخواتي الأطباء والطبيبات


السلام عليكم ورحمة الله وبركاته

موعدنا اليوم

مع الجزء الثالث من سلسلة

مستقبل الطبيـــب

النيابــــــــات

امتي بتظهر حركة النيابات ؟؟
الحركة الأساسية شهر نوفمبر من كل عام
الحركة التكميلية في شهر مايو من كل عام
أعرف منين انها ظهرت ؟؟
هاتلاقي إعلان في الجرايد الرسمية
هاتلاقي زمايلك بيقؤلولك إنها ظهرت
تتصل بالوزارة او المديرية وتسأل
التقديم بيكون فين ؟؟
التقديم بيكون في المديريات وممكن برده تقدم في معهد ناصر
ازاي أقدم علي النيابة ؟
دلوقتي الوزارة بتخلي الناس تقدم من خلال النت وأول مرة عملوها في الحركة التكميلية بتاعة 2009 بس يمكن يخلوا بعد كده التقديم من خلال المديريات زي زمان علشان كده هاشرح طريقة التقديم من خلال المديرية عن طريق :
أولا
هاتروح تسحب المظروف من المديرية مجاني
أو ممكن أي حد من زمايلك يجبهولك
بس أوقات فيه مديريات بتغلس وتطلب انه الشخص نفسه هو اللي يجي يسحب المظروف
ثانيا
هاتملئ الرغبات بتاعتك

ثالثا
هاتروح بعد كده تقدم المظروف
لو انت مش فاضي علشان تروح تقدم المظروف ممكن حد قريبك من الدرجة الأولي يقدملك المظروف وهايدوله إيصال ولازم تحتفظ بالإيصال وتعرف رقمه
ولو عاوز تقدم من خلال النت تروح المديرية اللي فيها الجامعة اللي انت متخرج منها وتجيب من عندهم الرقم السري وتروح المديرية في المحافظة اللي انت بتشتغل فيها تجيب رقم الطبيب وتقدر من خلال موقع الحكومة الالكترونية
طيب انت مسافر بره مصر وعاوز تقدم نيابة ينفع ولا لا ؟؟؟
ينفع تخلي أي حد يسحبلك الملف وتخليه يكتب رغباتك
بس بشرط
تخلي حد قريبك من الدرجة الأولي هو اللي يسلملك الملف همابيشترطوا كده في تسليم الملف
امتي بتظهر نتيجة النيابة ؟؟؟
يعني هاتاخدلها شهرين أو أقل أو أكثر بحاجة بسيطة علشان تظهر
هاعرف ازاي انه النيابات ظهرت ؟؟
هاتلاقي زمايلك كلهم متابعين وممكن تتصل بالوزارة أو بالمديرية
طيب التنسيق بتاع النيابة بيكون علي أي أساس ؟؟
بيكون علي أساس الاحتياجات – المجموع – الرغبات
ملحوظة بالنسبة للمجموع بيكون بالمجموع الاعتباري
طيب واحد هايقؤلي أنا خريج الأزهر والدرجات عندنا غير باقي الكليات
انه المجموع بتاعك هايضرب في رقم معين
بحيث في الآخر تتساوي بنفس التقدير بتاع طبيب آخر في أي كلية تانية غير الأزهر
بمعنـــــــــــــــــــــــــي

المجموع الاعتباري = مجموع الطبيب ÷ النهاية العظمي للجامعة ×4600

طيب ازاي بيتم التنسيق بتاع النيابة ؟؟؟

اللي بيحصل يا أخوانا انه ابل حركة النيابة ما يظهر التقديم عليها
الوزارة بتبعت للمديريات وتقؤلها ابعتولنا احتياجاتكم من الدكاترة في التخصصات الطبية المختلفة
هاترد المديرية وهاتبعت للوزارة الأعداد المطلوبة في كل تخصص
بعد كده بيظهر اعلان الحركة ويتم التنسيق
وكل تخصص في كل مديرية بيكون له حد أدني
يعني مثلا
نسا مديرية الصحة بسوهاج كانت واخدة من 75 % معني كده انه أي حد جايب اقل من كده وكتب نسا سوهاج مش هاتيجيلو
فا هايشوفوا الرغبة اللي تحتها لو تناسب مجموع الدكتور هاتبقي هيا دي نيابته لو مش تناسبه ينزله للرغبة اللي تحتها وهكذا ولو ما فيش رغبة ناسبت مجموعه يبقي وقتها هايكون
استنفذ الرغبات
وفي الحالة دي يحق له التقديم علي النيابة في أقرب حركة نيابة تنزل بعد كده
طيب واحد ممكن يسأل أنا ليا كام رغبة ؟؟
24 رغبة في التخصصات الملحة و 48 رغبة في باقي التخصصات

طيب ايه هيا التخصصات الملحة دي ؟؟
هـــي
طب الطوارئ- طب الأسرة- الطب النفسى- الأشعة- التخدير- المعامل- العناية المركزة- العظام- الأطفال المبتسرين- بنك الدم- طب المسنين- جراحة القلب والصدر
بس خلي بالكم كل سنة التخصصات الملحة بتتغير يعني ممكن ما ينزلوش تخصص ملح ويخلوه تخصص مش ملح
طيب ماهي الفترة اللي المفروض اقضيها في التكليف علشان اخد نيابة ؟
أولا : لو هاتقدم في التخصصات الملحة يبقي مش هاتحتاج تقضي أي فترة في التكليف
يعني انت مثلا هاتستلم تكليفك في شهر مارس ولما تظهر حركة النيابة التكميلية في مايو أو الحركة الأساسية في نوفمبر تروح تقدم علي التخصصات الملحة بدون شرط قضاء فترة في التكليف بس خلي بالكم أوقات يشترطوا ست شهور تكليف علشان تعرف تقدم في التخصصات الملحة
ثانيا : لو هاتقدم في باقي النيابات يبقي لازم تقضي فترة سنة في التكليف علشان تقدر تقدم في باقي النيابات زمااااان كان لازم تقضوا سنتين في التكليف وأنا سمعت انهم ها يرجعوا شرط قضاء سنتين تكليف علشان تعرف تقدم في التخصصات الغير ملحة
نصيحتـــــــــــــــــــــي
ما تستعجلشي
لو كنت بتحب تخصص معين في التخصصات الملحة يبقي خلاص قدم فيه
لو مش بتحبه يبقي استني سنة في التكليف علشان تاخد االتخصص اللي بتحبه واللي تقدر تبدع فيه

طيب ظهرت نتيجة النيابة
امتي وازاي استلم النيابة ؟؟
امتي ؟
لما بتظهر نتيجة النيابة بتسأل في المديرية بتاعتك النيابة وصلت من الوزارة ولا لسه لانها بتكون ظهرت علي النت ابل ما تروح المديريات
لو راحت المديرية هاتستلم النيابة بعد ست شهور من ظهورها وده قرار جديد السنة اللي فاتت كان الاستلام بيكون بمجرد وصول نتيجة الحركة للمديرية
ازاي؟؟
تروح لمدير الرعاية الأساسية اللي في المديرية وتقؤله عاوز استلم النيابة هايقؤلك اكتب طلب لوكيل الوزارة وهايبص علي اسمك وهايكتبلك في الطلب السيد وكيل الوزارة حيث أن المذكور مرشح لنيابة كذا
هاتروح لوكيل الوزارة هايوافق وهايكتب شئون العاملين لإخلاء طرفه من الوحدة لتنفيذ النيابة في مستشفي كذا وهايوزعك أو ممكن مدير الطب العلاجي في المديرية يوزعك علي مستشفي معينة في المحافظة دا لو هما مش عاوزينك في التكليف لكن لو حاجة العمل تتطلب انك تفضل في التكليف فترة فا من سلطة وكيل الوزارة أنه يأخر استلامك للنيابة
هاتروح شئون العاملين هايدوك خطاب إلي الإدارة بتاعتك علشان تخلي من الوحدة بتاعتك هاتروح الإدارة هايدوك جواب إلي الوحدة لاخلااء الطرف هاتروح الوحدة هاتخلي وهاترجع الإدارة تخلي وهاتروح المديرية تخلي
يبقي انت كده أخليت من القطاع الوقائي مبروك وداعا للتكليف
وهاتروح بئه للموظف المسئول عن تنفيذ النيابة وهاتستلم النيابة في المديرية وهاتاخد منه جواب موجه للإدارة بتاعتك علشان تستلم النيابة وبعد كده هاتروح للإدارة اللي هاتديك جواب موجه إلي المستشفي اللي اتوزعت فيها
أما لو انت جاتلك مستشفي تعليمي أو مستشفي تأمين صحي أو أي هيئه أخري المديرية هاتديك خطاب موجه مباشرة إلي هذه الهيئة

طيب ممكن ألغي النيابة بتاعتي وأرجع الريف تاني ؟؟؟
اه ممكن تلغيها بس برده هاتتحرم من التقديم حركتين متتاليتين
طيب هل أقدر أغير النيابة بتاعتي ؟؟؟
تقدر تغير النيابة بتاعتك بشرط انه النيابة الجديدة اللي انت عاوزها يكون الحد الادني بتاعها مناسب لمجموعك
وأوقات يشترطوا انك تكون كاتبها في الرغبات بتاعتك
مثال
أطفال مديرية الصحة بالقاهرة مثلا اخدت من 80 %
وانت جاتلك نيابة جراحة
وعاوز تغيرها لأطفال تقدر تغيرها بس بشرط تكون جايب علي الأقل مجموع الأطفال اللي هيا 80 %
طيب هل أقدر أسافر أو اخد إجازة بدون مرتب واسيب النيابة وبعد كده ارجع ابقي أكملها ؟؟
ابل الإجازة بدون مرتب لازم تستلم النيابة الأول وبعد كده تاخد الإجازة بدون مرتب سؤاء للسفر أو لأي سبب آخر
والمفروض الإجازة دي لا تزيد عن سنتين لأنه مشمسموح ليك انك تبعد عن النيابة أكتر من سنتين لو غبت عن النيابة أكتر من سنتينهاتتلغي النيابة بتاعتك وهاتتحرم حركتين متتاليتين
طيب تعمل ايه لو جاتلك النيابة بتاعتك غلط ؟؟؟
تقدم تظلم لأنه بيفتح باب التظلمات بعد ظهور النتيجة لمدة 15 يوم في المديريات و في معهد ناصر
وبعدها بشهر أو اتنين تظهر نتيجة التظلم وتاخد حقك انشاء الله ولازم تكون محتفظ بالإيصال اللي اخدته زمان لما سلمت المظروف
وبرده لما هاتقدم علي التظلم هايدوك إيصال احتفظ بيه
كيف تحسب فترة النيابة ؟؟؟
تحسب من أول يوم استلمت فيه النيابة ولو اخدت إجازة أثناء النيابة لا تحسب هذه الإجازة من فترة النيابة
هيا النيابة كام سنة ؟؟؟
النيابة أربع سنتين عمل فعلي خلالها لازم تاخد درجة علمية أعلي من البكالوريوس سؤاء دبلوم أو ماجستير
بعد الأربع سنين بتبقي طبيب مقيم مؤهل لمدة سنة بعد كده تبقي مساعد أخصائي
طيب افتراضا ما ماقدرتش اخد أي درجة علمية خلال الأربع سنين ايه اللي يحصل ؟؟؟
هايدوك فرصة تانية لمدة تلات سنين لو ماقدرتش تاخد فيهم درجة علمية تحول للشغل الإداري
طيب افتراضا جاتلي نيابة تعليمي أو نيابة تأمين صحي هل معني كده اني هاقعد طول عمري في المستشفي التعليمي دي أو مستشفي التأمين الصحي دي ؟؟
لا النيابة في المسشتفيات دي أو أي هيئة غير مديريات الصحة بتكون فترة مؤقتة ( انتداب ) أربع سنين وبعد ما يخلصوا الأربع سنين وتكون اخدت دبلوم أو ماستر ترجع المديرية اللي انت تابع ليها أصلا
إلا إذا
نزلتلك درجة مالية في التعليمي أو التأمين الصحي أو المراكز الطبية المتخصصة واتعينت في المستشفيات دي وده بيحصل في حالة وجود كوسة قوية جدا جدا أو لو كان حظك كويس أوي بدون واسطة
أنا استلمت النيابة بتاعتي وبعدها روحت الجيش هل يعتبر الفترة اللي هاقضيها في الجيش محسوبة من فترة النيابة بتاعتي ؟؟؟
أيوه محسوبة وتقدر تسجل وانت في الجيش وتقدر تمتحن كمان
طيب لو جاتلي نيابة وما استلمتهاش وروحت الجيش ؟؟
أولا النيابة هاتروح عليك
ثانيا لا تحسب فترة الجيش دي من فترة النيابة لأنك علي قوة التكليف مش النيابة لأنك ما استلمتش النيابة
طيب أقدر أغير مكان النيابة بتاعتي يعني انقل من محافظة للتانية ؟؟
ممكن في بداية النيابة بالكوسة أما قانونيا بعد مضي سنتين عمل فعلي في النيابة إلي في المحافظة اللي رشحت فيها في البداية بشرط موافقة الجهتين وهما بيراعوا الحالات الأسرية بالنسبة للفيمال وكمان بيراعوا الحالات الطبية الخاصة
طيب لو مر عليا خمس سنين وما قدمتش علي نيابة أقدر أقدم بعدها علي نيابة ؟؟؟
لا ليس لك الحق في التقديم علي نيابة بعد مرور خمس سنين في التكليف عمل فعلي يعني لو واخد اجازة بدون مرتب مش هاتتحسب من السنين الخمس سنين
ولو عديت الخمس سنين عمل فعلي
تقدر تقدم علي نيابة الريف
طيب ايه هيا نيابة الريف دي ؟؟
دي معناها انك تقدم علي نيابة وانت شغال في الريف يعني تقعد طول عمرك تشتغل في القطاع الوقائي وماتشتغلشي في المستشفيات إلا إذا كنت عامل انتداب للمستشفي
والحركة بتاعة نيابات الريف دي بتنزل كل سنة غالبا في شهر أبريل
وبتاخد سنة تدريب في المستشفي وبتحضر خلال النيابة دي دبلوم أو ماستر
يعني من الأخر هاتبقي أخصائي بس شغلك هايكون في القطاع الوقائي اللي هو الريف أو أي شغل وقائي إلا إذا عملت انتداب إلي مستشفي
كام دخل النايب المادي أثناء فترة النيابة ؟؟
أولا : المرتب
ثانيا : حافز الطبيب 300 %
ثالثا : 45 جنيه عن كل نبتشية بحد أقصي عدد 12 نبتشية في الشهر
رابعا : نسبة من فلوس الصندوق بتاع المستشفي
خامسا : نسبة من الاقتصادي لو المستشفي مطبقة الاقتصادي
طيب إيه هيا الأماكن اللي أقدر أقدم نيابة فيها ؟؟؟
أولا : مديريات الصحة
ثانيا : هيئة التأمين الصحي
ثالثا : المستشفيات التعليمية
رابعا : المؤسسة العلاجية
خامسا :الأمانة العامة للصحة النفسي
سادسا :المراكز الطبية المتخصصة
سابعا : المراكز الإقليمية لبنوك الدم
ثامنا : التجميل والحروق
تاسعا : طب المسنين
عاشرا : الحجرالصحى

طيب إيه هيا مميزات وعيوب أماكن النيابات ؟

أولا

مديريات الصحــــــــــة

المميــــــــــزات

-1 القبول بيكون من مجموع قليل مش زي التعليمي ولا أي مكان تاني
يعني أصحاب المجاميع العادية ممكن يلاقوا التخصص الليبيحبوا يتخصصوا في مديريات الصحة والمديريات هي المكان الأكثر قبولا للنواب عليمستوي باقي هيئات وزارة الصحة وبيقبل أعداد كبيرة
-2 فيه مديريات فيها مستشفيات كويسة وفيها تعليم كويس زي مثلا مستشفي أم المصريينبالجيزة لكن فيه مديريات كتير فيها مفيهاش أي نوع من أنواع التعليم خصوصا في بعض التخصصات
-3 يعني ممكن تاخد راحتك في الشغل شويه خصوصا في الجراحاتيعني تقدر وأنت من أول سنة نيابة تعمل عمليات كتير بايدك بس المهم تلاقي حد يعلمككويس

-4 حافز الطبيب ال 300 % بيصرف لنواب مديريات الصحة ومشموجود في أماكن تانية

-5 لو اتشهرت في المستشفي اللي بتشتغل فيها ده هايساعدك لماتفتح عيادة في نفس المدينة أو المنطقة اللي فيها المستشفي
العيـــــــــــوب

-1 بسهولة جدا ممكن تاخد النيابة من أولها لاخرها من غير ماتتعلم شئ يعني قصة التعليم في مديريات الصحة بصراحة مش مضمونةإطلاقا

-2 ماديا مش حلوة أوي يعني فيه جهات بتدي فلوس أكتر منها زيهيئة التأمين الصحي بتاخد فيها حوافز زيادة خاصة بالتأمين
3- ممكن تتوزع علي مستشفي بعيدة عن محل إقامتك لأنه التوزيع بيكون علي من خلال تنسيق علي مستوي الجمهورية

ثانيا
هيئة التأمين الصحي


ومنها
مستشفي مدينة نصر – مستشفي صيدناوي – مستشفي المقطم – مستشفي

6 أكتوبر – مستشفي الفيوم – مستشفي النيل – مستشفي جمال عبدالناصر

مستشفي كرموز – مستشفي الطلبة سبورتنج – مستشفي الهلال سوهاج
المميـــــــــزات
-1 ممكن في بعض المستشفيات التابعة للتأمين مش كلها يكون فيه تعليم وبعض المستشفيات بيكون مشرف عليها أساتذة من الجامعة
-2 ماديا إلي حد ما كويس لأنه فيها حوافز أكتر من مديريات الصحة
والفترة اللي جاية هايكون للتأمين الصحي مستقبل وفلوس كتير خصوصا بعد ما يفصلوا الخدمة عن التمويل وذلك بإنشاء صندوق خاص يتولي إدارة التأمين الصحي لأنه معايير الجودة بتتطبق دلوقتي في مستشفيات كتير من مستشفيات التأمين يعني مستقبلا التأمين هايكون له وضع مميز
-3 بيقبل من مجموع متوسط يعني مش صعب انك تلاقي فهي نيابة حلوة يعني الحد الأدنى بتاع التخصصات مش كبير
العيــــــــــــــوب
1- ممكن ماتلاقيش تعليم كويس في مستشفيات كتير
-2 ممكن ماتاخدشي راحتك في الشغل بايدك في الجراحات

ثالثا
المستشفيات والمعاهد التعليمية
وتشمل علي
مستشفي أحمد ماهر التعليمي – مستشفي المطرية التعليمي – مستشفي الجلاء التعليمي – مستشفي الساحل التعليمي – مستشفي سوهاج التعليمي – مستشفي أسوان التعليمي – مستشفي شبين الكوم التعليمي – مستشفي بنها التعليمي – مستشفي دمنهور التعليمي
معهد جراحة القلب والصدر – معهد السكر – معهد التغذية – معهد شلل الأطفال – معهد بحوث الحشرات – معهد السمع والكلام – معهد الرمد التذكاري – معهد الأبحاث لطب المناطق الحارة – المعهد القومي للكلي والمسالك البولية
المميــــــــزات

-1 دي أحسن جهة بعد الجامعة ممكن تلاقي فيها تعليم كويس وتطلع منهانايب محترم علميا لأنه اللي حواليك كلهم بيكونوا واخديندكتوراة او زمالة أجنبية وكمان أوقاتكتير تلاقي أساتذة جامعة بيتشغلوا فيها ويمكن كمان تلاقي في بعض الهيئات فيها تعليمأحسن من الجامعة
-2 لو معاك واسطة أو بالنصيب ممكن ينزلك درجة مالية وتثبت عندهم وتحضردكتوراه
العيــــــــــوب
1- فيه مستشفيات فيها مش كويسة إلي حد ما بساغلبها كويس وأهم حاجة انك تدخل الهيئة بعد كده الانتداب من مستشفي للتانية سهل مادام دخلت الهيئةالتعليمية

2- المستشفيات والمعاهد التعيلمية بتقبل من مجموع عالي يعني فيهنيابات فيها بتاخد من مجموع زي نيابات الجامعة
-3 ماديا زيها زي وزارة الصحة لأنك بتاخد مرتبك من وزارة الصحة لانك انتداب

رابعا
المؤسسة العلاجية
أشهر مستشفي فيها هيا مستشفي هيليوبلس

المميــــــــــزات

1 – يعني ممكن تلاقي فيها تعليم لأنه بشتغل فيها أساتذة جامعة وكمان استشاريين من الجيش

2- ماديا كويسة لانك بتاخد فيها بدلات كتير زي بدل طبيعة العمل و بدل العدوي و نسبة من قيمة حصيلة رسم الخدمة شهريا و الحوافز المقررة مقابل النوبتجيات

العيـــــــــــــــوب

1- في الجراحات ممكن ما تتعلمشي كويس لأنه معظم الشغل فيها بفلوس والمريض بيدفع كتير فا مش هاتاخد راحتك في الشغل
2-فيه مستشفيات فيها مش كويسة عاوزة واسطة علشان تقدر تلتحق بمستشفي نضيفة

سادسا
المراكزالطبية المتخصصة
وتشمل

أ‌-متعددة التخصصات وتشمل :
معهد ناصر – الهرم – الهلال – العجوزة – السلام – دار الشفاء – الشيخ
زايد – شرق المدينة – القباري – المواساة – المنصورة الدولي – الأقصر
الدولي – أبوسمبل الدولي – شرم الشيخ الدولي
ب‌-أحادية التخصصات وتشمل :
المركز القومي للرمد بروض الفرج – مركز الرمد الأزهر – مركز الصدر والحساسية بإمبابة – مركز تأهيل وعلاج المسنين بحلوان – المركز القومي
لخدمات نقل الدم– مركز الإسعاف الطائر – مستشفي الأطفال التخصصي ببنها – مركز القلب بالمحلة – مركز القلب والكبد بكفر الشيخ – مركز كفر الدوار
ج – جراحات اليوم الواحد وتشمل :
بمدينة نصر – البساتين – المرج – روض الفرج – الزاوية الحمراء – التبين – راس البر – وادي النطرون – سمالوط – قنا – مرسي علم – كفر الزيات – اشمون
د- مراكز الأورام وتشمل :
أورام السلام – أورام معهد ناصر – أورام طنطا – أورام البحيرة – أورام دمياط – أورام المنيا – أورام سوهاج – أورام أسوان

المميــــــــــزات
1- تعليم كويس أوي في معظم المستشفيات التابعة ليها وفيها استاف جامعةكتتتتتتتير واستشاريين كتير أقل واحد معاه دكتوراه

2- ممكن من خلالها تتعرف علي شخصيات ليهاوضعها وممكن من خلالها تشتغل مع استاف بره
3- فيه مستشفيات فيها التردد بتاعها قليل وده مش بيديك فرصة انك تشتغل كتير
العيـــــــــــــوب
1- ممكن برده ماتاخدشي راحتك أوي في شغل الجراحات
2- عاوزة واسطة في الغالب علشان تروح مكان نضيف

سابعا

الوقـــــــــــائي

بمعني انك تاخد نيابتك في الهيئات الآتية

1 – الإدارة المركزية للشئون الوقائية ودي تحتوي علي الآتي :

** مكافحة الأمراض المعدية :

المميزات
· إمكانية التسجيل المبكر للدراسات العليا.
· الاشتراك فى الدورات التدريبية المتخصصة.
· الحصول على بدلات التفتيش الميدانى.
العيوب
انك هاتشتغل شغل إداري إلي حد ما في هذه الهيئات وغالبا مش كل التخصصات هاتقدر تلتحق بيها

** الحجر الصحى :
المميزات
· إمكانية التسجيل المبكر للدراسات العليا (باطنة ،قلب،المناطق الحارة،عناية مركزة، صحة عامة)

· الاشتراك فى الدورات التدريبية المتخصصة.
· الحصول على 150%من أساسي المرتب كمكافأة شهرية من حصيلة التوكيلات الملاحية
العيوب
انك برده هاتشتغل شغل إداري وكمان ممكن تتحدف في أي مطار او أي علي مستوي الجمهورية

-2 الإدارة المركزية للمعامل مميزاتها :

* التدريب على أحدث الأجهزة المعملية.

* إمكانية التسجيل المبكر للدراسات العليا

-3 الإدارة المركزية لشئون البيئة.

-4 الإدارة المركزية للأمراضالمتوطنة

================================================

والان مع

كيف تختار التخصص المناسب لك ؟؟؟

الوصايا العشر لاختيار التخصص المناسب لك

أولا
صلاة الاستخارة

ثانيا
صبـــــــــــــــرا
ما تستعجلشي وتكتب تخصص من التخصصات الملحة بحجة انك مش عاوز تقعد في التكليف كتير وعاوز تختصر وقت وتبقي أخصائي بأسرع وقت ممكن لأنه اللي خلاك تصبر سبع سنين علشان تتخرج مش هاتصبر سنة ولا سنتين تاني وتاخد التخصص اللي بتحبه وعاوزه لأنه كل تخصص له تعبه وقرفه ولازم تكون حابب التخصص بتاعك علشان تقدر تستحمل تعبه وقرفه وعلشان تقدر تبدع فيه وتنجح فيه

ثالثا
حدد ميـــولك
هل ميولك باطنية ولا جراحية ؟؟
لو ميولك باطنية يبقي شوف ايه أكتر حاجة شغالة في السوق وبتحبها في نفس الوقت أو علي الأقل متقبلها واوعي تقؤل انه التخصص ده فيه دكاترة كتير وده فيه دكاترة قليلين لأنه مش كل الدكاترة ناجحين وممكن يظهر دكتور بتاع أطفال مثلا وسط ألف دكتور أطفال ويبقي أكتر واحد ناجح فيهم انت وشطارتك لأنه ببساطة كل التخصصات دلوقتي اتملت دكاترة ولو فيه لسه بعض التخصصات ما بقيش فيها دكاترة كتير مستقبلا هايكون فيها دكاترة كتير
لو ميولك جراحية وتقدر تشتغل تحت ضغط وقلق عادي يبقي خد النسا بلا منازع لو مش هاتقدر تشتغل تحت ضغط وقلق يبقي خد أي جراحة تانية زي العظام أو الأنف والأذن

رابعا
خد اللي يناسب ظروفك
يناسبك ظروفك الأسرية ( خصوصا للفيمال ) زي تخصص الجلدية – طب الأسرة وغيرها من التخصصات البسيطة

خامسا
تخصصات جامعة
فيه تخصصات كده بتاعة جامعة ومعدل نجاح طبيب الصحة فيها قليل لعدم وجود مكان يقدر الدكتور يتعلم فيه كويس في وزارة الصحة زي تخصص الرمد – المسالك – جراحة الصدر والقلب- جراحة المخ والأعصاب – التجميل – الأوعية الدموية
بس لو لقيت مكان كويس تقدر من خلاله تتعلم في التخصصات دي وحابب تخصص منهم يبقي اتكل علي الله وخده

سادسا
اجمع الداتا
اجمع كل المعلومات بتاعتك عن التخصص اللي ناوي عليه وشوف هل لو قدمت عليه مجموعك هايجيبه وهايجيلك فين وهل عندك استعداد تروح السلوم علشان التخصص ده ولا مش عاوز تبعد عن بيتكم ؟

سابعا
ماستر ولا دبلومة ؟
اسأل نفسك يا تري عاوز تحضر في التخصص ده ماستر ولا دبلومة لأنه ده هايفيدك في انك تختار التخصص علشان أوقات تخصصات معينة الماستر فيها بيكون صعب وبياخد وقت فا تتطر انك تغير التخصص

ثامنا

ازاي هاتتعلم ؟

اسأل نفسك ازاي هاتتعلم في التخصص ده وتبقي فيه دكتور كويس لأنه فيه أماكن ممكن تكون قريبة منك لكن التعليم فيها مش كويس وحط لنفسك خطة ازاي تقدر تتعلم في التخصص بتاعك عن طريق انك تعمل زاير مثلا الي أي جامعة ولا تعمل انتداب الي مستشفي فيها تعليم كويس

تاسعا
إيـــــــــــاك
ما تربطشي تخصصك بموضوع السفر خليه موضوع ثانوي لكن مش هو الأساس لأنك بسهولة ممكن تحصل معاك ظروف وما تقدرشي تسافر أو ممكن ما تلاقيش فرصة كويسة للسفر ولأنه السفر ده فترة مؤقتة مش هاتاخد عمرك كله في السفر فا لازم تاخد تخصص ينفع تشتغل فيه في مصر وبره مصر .

عاشرا
الأرزاق بيد الله
اجعل في قلبا إيمانا دائما انه الأرزاق بيد الله في أي تخصص بتختاره ورزقك هايجيلك لحد عندك بس المفروض علينا إننا نحسن الاختيار ونسأل ونستشير و نتكل علي الله

وأخيرا
وفقكم الله لما يحب ويرضي

=============================================

والآن مع قوانين وقواعد النيابات كما جاءت من الوزارة

وأيضا الحد الأدني للتخصصات الطبية في حركة مايو 2008
هاتلاقوا القوانين والحد الأدني مرفق مع الموضوع في المرفقات

============================================

انتهي الجزء الثالث وعلي موعد بلقاء ان شاء الله في الجزء الرابع ( التسجيل )

من سلسلة
مستقبـــــــــل الطبيب

دكتــــور
أحمد رفعت عدلي

Related Keyword terms:

,نيابات الريف 2011,نيابات الريف,نتيجة نيابات الريف 2011,تخصص الرمد,نيابات الريف2011,اعلان نيابات الريف 2011,نيابة الريف,نتيجة النيابات مايو 2008,مجموع نيابة الجلدية,نتيجة نيابات الريف2011

share save 171 16 الجزء الثالث من سلسلة مستقبل الطبيـــب (النيابــــــــات)

]]> http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ab%d8%a7%d9%84%d8%ab-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%84-%d8%a7%d9%84%d8%b7%d8%a8%d9%8a%d9%80%d9%80%d9%80.html/feed 1 الجزء الثاني من سلسلة مستقبـــــــل الطبيب (التكليف في وزارة الصحة) http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ab%d8%a7%d9%86%d9%8a-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ab%d8%a7%d9%86%d9%8a-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html#comments Wed, 16 Sep 2009 20:18:31 +0000 Mostafa Elbehery http://www.medcastle.com/?p=6328 بسم الله الرحمن الرحيم
إخواني وأخواتي الأطباء والطبيبات

السلام عليكم ورحمة الله وبركاته
النهاردة موعدنا مع الجزء الثاني من سلسلة
مستقبـــــــل الطبيب
وهو
التكليف في وزارة الصحة

قؤلنا في الجزء السابق انه التكليف في وزارة الصحة إما أن يكون :

أولا : التكليف في هيئات وزارة الصحة

1- القطاع الوقائي ويشمل

الوحدات الصحية بالريف – وحدات صحة الأسرة – المراكز الصحية بالمدن وحدات رعاية الأمومة والطفولة – عيادات الأحياء – مستشفيات التكامل – مكاتب الصحة
المميـــــزات

1- ماديا كويسة وممتازة خصوصا لو روحت مكان فيه شغل برايفيت كويس مع انه اليومين دول شغل البرايفيت بقي مش مجدي أوي .

اللي هاتاخده كالآتي
* مرتبك + حافز الطبيب ال 150 % + حافز الدعم الفني ( تضاءل أوي اليومين دول وقد يكون شبه انعدم ) باستثناء مكتب الصحة لا يوجد هذا الحافز + حافز ال 240 % اللي بيصرف للطبيب الأول والتاني بس + شغل البرايفيت لو فيه شغل برايفيت
2- لو عاوز تزوغ ممكن بسهولة تزوغ وممكن تقسم الشغل بينك وبين بقية الدكاترةاللي معاك يعني هايكون عندك فرصة انك تذاكر في اي حاجة أو تسجل أي حاجة اليجال أوتشتغل برايفيت في أي مكان تاني مع مراعاة الحرمانية في حالة التزويغ .
العيــــــوب

1- شغلك هايكون إداري أكتر منه طبي خصوصا لو بقيت مدير الوحدة أو اشتغلت في مكتب صحة وهاتتعامل مع موظفين غاية في الإهمال والتسيب معظمهم مش كلهم وطبعا انت متخرج من الكلية ومش عارف حاجة في الادرايات فا تحس انه نفسيتك تعبت شويه .
2- كل من هب ودب جاي يفتش عليك باليل والنهار اشي رئيس مجلس المدينة أو النائب بتاعهأو التفتيش المالي والإداري بتاع الإدارة أو المديرية أو الوزارة الرقابة الإداريةالجهاز المركزي للمحاسبات المحافظة . وعلي فكرة دي مش مشكلة أوي للي عارف وفاهم ادارايات كويس لأنه هايعرف اللي ليه واللي عليه ويعرف يوقف أي حد عند حده ويعرف يحمي نفسه قانونيا من أي أخطاء إدارية علشان كده لازم تتعلم ادارايات كويس أوي وأبل ما تعمل أي حاجة اسأل .
3- علشان تاخد نيابة لازم تقضي سنة أو سنتين في التكليف مدة عمل فعلية لأنه الأجازات مش بتتحسب وبعد ما تاخد النيابة تستني بتاع سنة ونص علشان تقدر تمتحن الفيرست بتاع الماستر.
4- مستواك الطبي والعلمي ومستوي ذكائك في الغالب بيكون في انحدار مستمر ان لم تطور نفسك لأنك مشهاتتعلم حجات جديدة كتير بالعكس لو قعدت كتير في الريف من غير ما تطور نفسك طبيا هاتلاقي نفسك بتنسي الطب .


2- القطاع العلاجي ويشمل

مستشفيات وهيئات وزارة الصحة

يعني انك تشتغل طبيب تكليف في مستشفيات وزارة الصحة بطريق الانتداب ودي عاوزة كوسة لأنه المفروض التكليف يكون في القطاع الوقائي مش العلاجي ( المستشفيات ) يعني بعد ما تظهر نتيجة التكليف بتاعتك وتلاقي نفسك روحت مثلا وحدة صحية تقدر تعمل انتداب منها للعمل باحدي المستشفيات كطبيب تكليف بس طبعا دي عاوزة واسطة .


المميــــــزات


1- هاتتعلمكويس خصوصا لو روحت مستشفي كويسة وهاتشتغل في قسم حسب حاجة العمل ورغبتك ورغبة مدير المستشفي
2-هايكون ليك علاقات حلوة مع الدكاترةزمايلك والأخصائيين والاستشاريين ومع موظفين المستشفي وحاول تكون علاقاتك حلوة مع كلالناس اللي في المستشفي خصوصا الموظفين والعمال والتمريض وبتوع الأمن
3- تقدر تعمل اسم لنفسك في بلدك من خلال انك تخدمأي حد تشوفه من أهل بلدك وتكون تعرفه أو ما تعرفوش شخصيا
علشان لما تفتح عيادة يكون اسمك مألوف وتكون عملت جمايلمع ناس كتير وأبل ده كله خدمة
الناس شئ كويس وربنا بيجازيك عنها خير
العيـــــــوب

1- ماديا مش زي طبيب الوحدة الصحية لأنك مش هاتاخد حافز ال 240 % وكمان حافز الدعم الفني وكمان مفيش برايفيت
اللي هاتاخده هو مرتبك وحافز الطبيب ال 150 % ويمكن شويه فكة من صندوق المستشفي وأوقات بعض المستشفيات بتدي فلوس للنبتشيات
2- شغل متعب أكتر من شغل الوحدات الصحية دا إذا كنت بدور علي الراحة يعني ومش هاتقدر تزوغ كتير لأنه بيكون عليك نبتشيات وبيكون فيه التزام في المستشفي اكتر طبعا من الوحدات الصحية

ثانيا : التكليف في الهيئات الخارجية

انه بعض الهيئات بتكون عاوزة دكاترة تكليف وبعد ما تخلص التكليف فيها وتجيلك نيابة بترجع تاني وزارة الصحة الهيئات دي هيا :
الشركة القابضة للمستحضرات الحيوية واللقاحات-وزارة التضامن الاجتماعى (من الذكور)- الهيئة القومية للبحوث والرقابة على المستحضرات-وزارة التعليم العالى ( الوحدات العلاجية ) – شركة مصرللغزل والنسيج-شركة مصر للطيران- جامعة الاسكندريه- جامعة قناة السويس- الإدارة الطبية- المركز الطبى بكلية العلوم- إدارة المعامل والأشعة- إدارة المدن الجامعيه- المركز الطبى بكليه التجارة- الهيئة العامه للتامين الصحى- جامعة المنصورة- مستشفي الطلبة- الإدارة العامة للشئون الطبية – إدارة السجون بوزارة الداخلية- الجيش

المميــــــــــزات

أولا : ممكن تلاقي تعليم كويس أوي في بعض الأماكن زي الجامعة – مستشفي الطيران
ولو اخدت تكليفك في إدارة السجون ممكن بواسطة قوية تروح مستشفي نضيفة تابعة لوزارة الداخلية زي مستشفي الشرطة بالعجوزة
وأوقات مستشفيات الجيش بتكون عاوزة أطباء تكليف ممكن برده تروح مستشفي جيش نضيفة زي مستشفي قصر القبة العسكري بواسطة
ودلوقتي فيه حاجة جديدة نزلت في التكليف انه ممكن تاخد تكليفك في الجامعة بشرط انه مجموعك يسمح وموافقة وزارة الصحة وموافقة الجامعة وده مش سهل بس ممكن وفيه ناس عملتها
ثانيا : أوقات وزارة الداخلية تنزل نيابات عندها وممكن لو اخدت تكليفك عندهم يكون ليك الأولوية في انك تاخد نيابة عندهم وتكمل معاهم ووقتها هاتستقيل من وزارة الصحة وهاتبقي تبع الداخلية طبيب مدني في الهيئات الطبية التابعة لوزارة الداخلية سؤاء السجون أو أي هيئة أخري بس النيابات دي قليلة ومش كتيرة زي حركة النيابات بتاعة وزارة الصحة وممكن ما تاخدشي التخصص اللي نفسك فيه .

كمان لو روحت هيئة التامين الصحي فيه فرصة انك تروح مستشفي تأمين كويسة تتعلم فيها كويس
بس طبعا دي مش مضمونة لانه مستشفيات التامين اللي كويسة مش كتيرة وممكن تتوزع علي مكتب من مكاتب التأمين العادية
ده بالنسبة للتعليم والتكليف في إدارة السجون والجامعة والتأمين والجيش لكن باقي الهيئات الخارجية اللي فوق دي أعتقد مفيش فرصة كبيرة انك تتعلم كويس فيها
العيـــــوب

1- ماديا مش مغرية يعني انت أساسا بتاخد مرتبك من وزارة الصحة لأنك انتداب وغالبا هاتاخد حافز الطبيب ال 150 % وبس مفيش أي دخل تاني إلا إذا الهيئة اللي انت شغال فيها ادتك حاجة زيادة زي مثلاا جزء من فلوس الصندوق أو فلوس نبتشيات لو كانوا بيدوا فلوس علي النبتشيات .
2- معظم الهيئات الخارجية مفيهاش تعليم كويس باستثناء الجامعة وبعض مستشفيات التأمين وبعض مستشفيات الجيش
هانفترض مثلا انك روحت تكليف في وزارة الداخلية هاتشتغل في إدارة السجون وبصراحة المكان ده مش حلو ولا فيه أي تعليم وممكن تروح مكان بعيد كمان عن مكان إقامتك الا إذا كان عندك واسطة جامدة وروحت مستشفي شرطة نضيفة

( كيف تستفيد من فترة التكليف )


الكثير من الإخوة الأطباء والطبيبات يعتقدون أن فترة التكليف فترة لا يمكن تحقيق أي فائدة منها وتجدهم دائما في حالة شكوي وضيق من هذه الفترة .
وأنا شخصيا أري أنها فترة يمكن استغلالها بشكل ممتاز بالرغم وجود كثير من السلبيات عن طريق :
- لو عندك وقت فراغ كبير في التكليف ليه ما تستغلوش في حاجة مفيدة زي مثلا انك تذاكر في تخصص معين انت بتحبه ولا حتي بلاش كلمة تذاكر دي خليها تقرا هاتنمي قدراتك الطبية وهاتفضل مرتبط بالطب وكمان ممكن تتطبق اللي بتقراه علي الحالات اللي بتكشف عليها كل يوم . والأفضل انك أثناء التكليف تحدد تخصص معين يكون مناسب ليك وبتحبه أو علي الأقل مقبول ليك ويكون مناسب لمجموعك وتبدأ تركز عليه وتحاول تعرف عنه حجات كتير وتشتغل فيه

- ليه ما تروحشي يوم مثلا في الأسبوع تشتغل فيه في مستشفي معينة تتعلم بعض المهارات الطبية المفيدة

- ممكن أثناء فترة التكليف تلتحق بأي زمالة أجنبية أو معادلة وتبدأ تذاكر وممكن تخلص جزء من الزمالة أو المعادلة وأثناء نيابتك تكمل الباقي .

- ليه ما تحاولشي تتعلم الادارايات أثناء تكليفك هاتقؤلي أنا دكتور ومش متخرج من الكلية علشان اشتغل إداري هاقؤلك انه الإداريات مهمة أوي للدكتور والدكتور الذكي يعرف ادارايات كويس أقل حاجة يعرف ازاي يأمن ويحمي نفسه ادارايا علشان ما يقعشي في أي مشاكل إدارية لأنك بتشتغل تحت لوائح وقوانين

- برده ممكن تستفيد من التكليف ماديا عن طريق انك تشتغل برايفيت وحتي لو كان شغل البرايفيت مش أوي ماديا بس هاتستفيد منه طبيا اوي

- ليه ما تحاولشي أثناء فترة التكليف تعمل اسم لنفسك في الوسط المحيط بيك ده هايساعدك
لما تيجي تفتح عيادة لأنه اسمك هايكون إلي حد ما اتردد كتير خصوصا لو كان مستواك
كويس .

- ليه ما تحاولشي تعمل شغلك كما هو مطلوب منك أثناء فترة التكليف حتي لو كان
الشغل ده مش ممتع أو شغل إداري بس انت مطالب بيه قدام ربنا أبل ما يكون قدام
المسئولين لأنه ببساطة قبلت الشغل في المجال ده وبتاخد مرتب نظير قيامك بالمهام دي
وما تحججشي بحاجة انت اعمل اللي عليك وما يهمكشي أي حد ولا أي حاجة أهم حاجة
ترضي ربنا وترضي ضميرك في شغلك لأنه أمانة وكلنا هانتسأل علي الأمانة دي.

- لو انت عندك الإمكانيات المادية انك تجوز أثناء التكليف ليه ما تفكرشي انك تبحث
عن انسانة كويسة مناسبة ليك وتجوزها وبكده تكون حققت هدف كبير في حياتك .

أهم حاجة حدد هدفك وشوف انت عاوز ايه ونفسك في ايه والدكتور الذكي هو اللي يقدر يستفيد من فترة التكليف طبيا و ماديا وإداريا واجتماعيا

=========================
انتهي الجزء الثاني
علي وعد بلقاء ان شاء الله في الجزء الثالث ( النيابات ) من سلسلة
مستقبل الطبيب

دكتور
أحمد رفعت عدلي

Related Keyword terms:

,سلسلة مستقبل الطبيب,الجزء الثاني من سلسلة مستقبل الطبيـــب

share save 171 16 الجزء الثاني من سلسلة مستقبـــــــل الطبيب (التكليف في وزارة الصحة)

]]> http://www.medcastle.com/%d8%a7%d9%84%d8%ac%d8%b2%d8%a1-%d8%a7%d9%84%d8%ab%d8%a7%d9%86%d9%8a-%d9%85%d9%86-%d8%b3%d9%84%d8%b3%d9%84%d8%a9-%d9%85%d8%b3%d8%aa%d9%82%d8%a8%d9%80%d9%80%d9%80%d9%80%d9%80%d9%80%d9%80%d9%84-%d8%a7.html/feed 1 نتيجة حركة تكليف الأطباء البشريين التكميلية دفعة يونيه 2008 تكليف سبتمبر 2009 http://www.medcastle.com/%d9%86%d8%aa%d9%8a%d8%ac%d8%a9-%d8%ad%d8%b1%d9%83%d8%a9-%d8%aa%d9%83%d9%84%d9%8a%d9%81-%d8%a7%d9%84%d8%a3%d8%b7%d8%a8%d8%a7%d8%a1-%d8%a7%d9%84%d8%a8%d8%b4%d8%b1%d9%8a%d9%8a%d9%86-%d8%a7%d9%84%d8%aa.html http://www.medcastle.com/%d9%86%d8%aa%d9%8a%d8%ac%d8%a9-%d8%ad%d8%b1%d9%83%d8%a9-%d8%aa%d9%83%d9%84%d9%8a%d9%81-%d8%a7%d9%84%d8%a3%d8%b7%d8%a8%d8%a7%d8%a1-%d8%a7%d9%84%d8%a8%d8%b4%d8%b1%d9%8a%d9%8a%d9%86-%d8%a7%d9%84%d8%aa.html#comments Wed, 16 Sep 2009 14:53:43 +0000 Reem Abdellateaf http://www.medcastle.com/?p=6297 نتيجة حركة تكليف الأطباء البشريين التكميلية دفعة يونيه 2008 تكليف سبتمبر

2009

FROM HERE

Related Keyword terms:

,نتيجة تكليف الاطبا التكميلية2011,نتيجة تكليف الاطباء التكميلية 2011,نتيجة تكليف الاطباء 2011 التكميلية,حركة نيابات الاطباء 2011,نتيجة تكليف الاطباء البشريين التكميليه 2011,نتيجة تكليف الاطباء سبتمبر 2009,حركه النيابات التكميليه للاطباء البشريين 2011,حركة تكليف الأطباء البشريين التكميلية 2011,نتيجة حركة تكليف الاطباء التكميلية 2011,نتيجة حركة تكليف الاطباء التكميلية سبتمبر 2011

share save 171 16 نتيجة حركة تكليف الأطباء البشريين التكميلية دفعة يونيه 2008 تكليف سبتمبر 2009

]]> http://www.medcastle.com/%d9%86%d8%aa%d9%8a%d8%ac%d8%a9-%d8%ad%d8%b1%d9%83%d8%a9-%d8%aa%d9%83%d9%84%d9%8a%d9%81-%d8%a7%d9%84%d8%a3%d8%b7%d8%a8%d8%a7%d8%a1-%d8%a7%d9%84%d8%a8%d8%b4%d8%b1%d9%8a%d9%8a%d9%86-%d8%a7%d9%84%d8%aa.html/feed 1 PG : KAPLAN MED ESSENTIALS FULL http://www.medcastle.com/pg-kaplan-med-essentials-full.html http://www.medcastle.com/pg-kaplan-med-essentials-full.html#comments Thu, 10 Sep 2009 12:37:59 +0000 Mostafa Elbehery http://www.medcastle.com/?p=6240 KAPLAN MED ESSENTIALS FULL

kaplanmed1wp5 PG : KAPLAN MED ESSENTIALS FULL

kaplanmed2ik5 PG : KAPLAN MED ESSENTIALS FULL

kaplanmed3qf1 PG : KAPLAN MED ESSENTIALS FULL

GREAT NOTES SHADOWING EACH AND EVERY SUBJECT RELATED TO MEDICAL PROFESSION– MAINLY ALL PRE PG SUBJECTS!

SUBJECTS DIVIDED INTO TOPICS AND EACH TOPIC DISCUSSED TO ITS MAX WITH VARIOUS ILLUSTRATIONS ,CHARTS ETC VERY CONCISELY!!

MUST FOR A GREAT REVISION BEFORE ANY PG EXAM & OTHER COMPETITIVE EXAMS!

SIZE = 16.6  MB
FORMAT = PDF

Related Keyword terms:

,kaplan medessentials pdf,kaplan medessentials,medessentials 3rd edition pdf,medEssentials pdf,kaplan medessentials 3rd edition pdf,kaplan medessentials 3rd edition,Medical Pg notes,med essentials pdf,kaplan med essential 3rd edition download,kaplan med essential pdf

share save 171 16 PG : KAPLAN MED ESSENTIALS FULL

]]> http://www.medcastle.com/pg-kaplan-med-essentials-full.html/feed 1 PG – WELL KNOWN GOLJAN LECTURE NOTES http://www.medcastle.com/pg-well-known-goljan-lecture-notes.html http://www.medcastle.com/pg-well-known-goljan-lecture-notes.html#comments Thu, 10 Sep 2009 12:33:04 +0000 Mostafa Elbehery http://www.medcastle.com/?p=6237 WELL KNOWN GOLJAN LECTURE NOTES

BY
EDWARD GOLJAN

SIZE : 54.5  MB

FORMAT : JPEG  (Can be converted to Ebook of any format like pdf, exe ebook etc )

THESE are  GOLJAN NOTES  ON 4 MAIN TOPICS namely

(1) Comprehensive Examination

(2) General Pathology

(3) SUPPLEMENTAL NOTES  ON VARIOUS SUBJECST LIKE PATHOLOGY , PHYSIOLOGY ETC!

(4) SYSTEMIC PATHOLOGY

Related Keyword terms:

,goljan notes pdf,systemic pathology lecture notes,goljan notes pathology 2011,medicine pg notes,nursing lecture notes,goljan lectures,goljan lecture notes pdf,goljan lecture notes,pathology notes for medical students,nursing Pediatric lecture note pdf

share save 171 16 PG WELL KNOWN GOLJAN LECTURE NOTES

]]> http://www.medcastle.com/pg-well-known-goljan-lecture-notes.html/feed 1